Video
Read full review
2021-12-12
856 views
餐廳：小念頭 (沙田)地址：沙田香港中文大學賽馬會研究生宿舍3座地舖作為一個中大人都幾proud of中大入面有黃店嘅存在💛，原來唔經唔覺呢間位於賽馬會研究生宿舍3座地下嘅台式Cafe小念頭 @bethelight.littleidea 都已經開咗一年幾，唔知大家仲記唔記得佢哋之前搞過嘅市集同埋Dear Jane @dearjaneofficial 嘅中大之心音樂會呢😎？近住聖誕都不忘返去幫襯吓依家喺香港（尤其中大）愈嚟愈難生存嘅黃店💪，最近小念頭推出咗聖誕限定到會套餐，分別有6-8人($1250)同8-10人(HK$1680)餐，每個餐都包咗自製3色泡菜、沙律、小食、主菜同主食，而且食物種類都算豐富，無論同三五知己、屋企人，甚至返公司同同事齊齊share都咁適合😛✝️自製三色泡菜呢三款泡菜包括娘惹泡菜、梅子涼瓜同手功南瓜，份量的確幾多👍，而我最鍾意嘅喺娘惹泡菜，微辣得嚟以清香感覺為主；苦瓜食落一啲都唔苦，不過同南瓜一樣都食唔出佢哋本身嘅原味，而南瓜就比較硬身，兩款都微微酸甜幾開胃✝️酥炸花枝丸花枝丸有18粒，食落彈牙，入面有粒粒嘅花枝肉粒，可以蘸辣椒醬或者胡椒鹽，我就鍾意後者🤪，送到過嚟
地址：沙田香港中文大學賽馬會研究生宿舍3座地舖
作為一個中大人都幾proud of中大入面有黃店嘅存在💛，原來唔經唔覺呢間位於賽馬會研究生宿舍3座地下嘅台式Cafe小念頭 @bethelight.littleidea 都已經開咗一年幾，唔知大家仲記唔記得佢哋之前搞過嘅市集同埋Dear Jane @dearjaneofficial 嘅中大之心音樂會呢😎？
近住聖誕都不忘返去幫襯吓依家喺香港（尤其中大）愈嚟愈難生存嘅黃店💪，最近小念頭推出咗聖誕限定到會套餐，分別有6-8人($1250)同8-10人(HK$1680)餐，每個餐都包咗自製3色泡菜、沙律、小食、主菜同主食，而且食物種類都算豐富，無論同三五知己、屋企人，甚至返公司同同事齊齊share都咁適合😛
✝️自製三色泡菜
呢三款泡菜包括娘惹泡菜、梅子涼瓜同手功南瓜，份量的確幾多👍，
而我最鍾意嘅喺娘惹泡菜，微辣得嚟以清香感覺為主；
苦瓜食落一啲都唔苦，不過同南瓜一樣都食唔出佢哋本身嘅原味，而南瓜就比較硬身，兩款都微微酸甜幾開胃
✝️酥炸花枝丸
花枝丸有18粒，食落彈牙，入面有粒粒嘅花枝肉粒，
可以蘸辣椒醬或者胡椒鹽，我就鍾意後者🤪，送到過嚟放咗一段時間先食已經唔錯，如果即炸即食應該會更好味😋
✝️泰式香茅焗雞
泰式原隻香茅焗雞，用咗辣椒🌶️、香茅、洋蔥🧄、薑去釀，再用荷葉包住去焗，打開荷葉嗰陣就已經芳香撲鼻🤤，慢慢拆雞肉果陣就feel到雞肉焗得好軟腍，唔洗用刀都可以將逐個部位嘅雞肉撕出嚟，
肉汁同雞油鎖緊喺皮肉之間，相當豐富，食落帶有陣陣泰式香料嘅香味，蘸埋佢哋惹味夠晒辣嘅泰式辣醬，簡直就無可挑剔😌
✝️黃金瑤柱雞粒炒飯
呢個炒飯幾有驚喜，以蛋碎、蔥花、蘿蔔碎、瑤柱同雞肉粒爆香再炒飯，
每一啖都充滿住瑤柱香，雞肉粒仲要勁多🤣，基乎舀起每一羹都喺，整體飯香而不油膩，亦唔會炒到好乾身，抵讚抵讚🤙Post
