官仔記 (Closed)

聖誕呢個普天同慶既節日,梗係要出街食飯感受下節日氣氛不過食西餐既話,就遇左要畀雙倍價錢食一D定好左既套餐,又或者要趕頭趕命咁食,個半小時就要交枱所以我決定食雞煲打邊爐!!!哈哈...原本諗住係尖沙咀搵食,之但係連鎖店"lulu"雞煲限食得個半鐘,咁唔盡興梗係唔食啦結果搵左呢間唔太近地鐵站既官仔記喇!!睇過其他人既食評都唔錯,所以我都早几日就訂位亦都好彩有訂位,因為去到發現舖位唔大,擺左五張5-6人枱,我地張二人枱好明顯係另外再開既,因為坐得好近阿關二哥我諗遲訂位就要坐係舖頭隔離條巷仔,雖然冬天坐係街邊打邊爐別有一番風味,但我感覺不太衞生...所以大家諗住黎食就記得要訂位喇!本身黎食雞煲係應該食重慶雞煲既,但當時未病好,就揀左另一個類似冬蔭宮湯底既雞煲,不過佢個名唔係叫"冬蔭宮"咁簡單..個湯底都几好飲架,不過我覺得D雞就唔太入味差唔多食完個雞煲,我地就嗌其他邊爐料喇!半份安格斯肥牛,海蝦,脆鯇骨腩,蝦滑,嚮鈴,墨汁花枝丸,芝士丸,芋絲,生菜因為掛住食既關係,無乜影到相值得一讚既有海蝦,蝦滑同脆鯇!D蝦真係好好味,好彈牙,又大隻!!!~~~不過佢係時價,我地個晚食就$68半打嚮鈴都唔錯架