炑八韓烤 (黃大仙中心南館)

Open Now

Now Closed

呢間燒肉店不嬲好多鬼主意，今期除左聖誕主題之外，仲有全城熱爆韓劇主題，哈哈！一見職員制服就知佢地扮邊套劇。第一餐聖餐大餐正式啟動！Order左聖誕月見和牛套餐，已經包括左牛、豬、濃、淡味都有。最正係包左一大塊和牛肩肉扒，店員代勞幫我地燒，因為燒得唔好真係好哂！本身塊肉有醃過醬汁，燒起個扒軟腍肉味好重好juicy，點個半熟蛋真係正到痺！牛盤上仲有牛舌、豬肋肉、蔥蒜牛五花、牛小排、韓牛前胸肉、雜菇，樣樣肉都幾高質，個人覺得蔥蒜牛五花同牛舌係最上盛，五花油脂燒得甘香而牛舌肉質纖維緊密d但又好腍牛味最重。四種前菜、生菜同泡菜蛋、芝士粟米都係任添嘅，另外跟餐仲有個柚子沙律，食燒肉有d fresh嘅沙律中和下確係可以refresh味蕾認真食清楚每種味道。而食韓式燒肉就梗係要配有汽飲品啦！跟餐優惠價嘅聖誕禮物梳打，係柚子味好重嘅梳打，少少甜勁重柚子香，冰涼衝擊再食番熱辣辣燒肉，無得頂。呢間分店仲有好多韓國人氣嘅醬料、前菜、零食同凍肉賣，佔地同種類都唔少，感覺幾新鮮！