Video
Read full review
2017-01-13
3264 views
一年一次聖誕節點都要食餐好既，就決定搵間環境好既！食完呢間餐廳既食物後覺得質素同味道都非常值得我再黎！行到電梯先見到原來黎左間2015~2016 MICHELIN Guide推介！只可惜我地呢日黎個天氣唔太好，結果個VIEW差少少，但餐廳本身環境好舒適。另外，我覺得WAITER做事手腳快先可以令大家食得開心，唔需要既餐具好快甘收走，最後我地食完坐左好耐都無話想你快的走，反而好樂意幫你加水俾你慢慢坐。我地最先黎既頭盤相信係同多數人一樣，就係餐廳安排既香草醬麵包，餐包好軟加埋個香草醬酸酸地好開胃。之後黎個Side Dishes係Giant Fries w/Truffle Mayo炸薯角，薯角外脆內棉既口感，配上我近期至愛---黑松露加蛋黃醬，非常好味，果然係呢度既SIGNATURE！Pasta我地叫左Carbonara配扁意粉(可選意粉)，後來上網睇返原來呢個麵用既材料非常講究，全部都係真正意式材料，包括芝士。另外醬汁都比較其他地方食既都多同濃，所以意粉都好入味。煙肉方面用左另一種叫Guanciale風乾豬肉，食落口感都硬身的，值得一試！最後食西餐點都要据下扒，由於怕食太生既扒，原本想食肉
我地最先黎既頭盤相信係同多數人一樣，就係餐廳安排既香草醬麵包，餐包好軟加埋個香草醬酸酸地好開胃。
之後黎個Side Dishes係Giant Fries w/Truffle Mayo炸薯角，薯角外脆內棉既口感，配上我近期至愛---黑松露加蛋黃醬，非常好味，果然係呢度既SIGNATURE！
Pasta我地叫左Carbonara配扁意粉(可選意粉)，後來上網睇返原來呢個麵用既材料非常講究，全部都係真正意式材料，包括芝士。另外醬汁都比較其他地方食既都多同濃，所以意粉都好入味。煙肉方面用左另一種叫Guanciale風乾豬肉，食落口感都硬身的，值得一試！
最後食西餐點都要据下扒，由於怕食太生既扒，原本想食肉眼諗住熟的都可以軟身的，但見到西冷係Signature，最後我地都叫左Prime Striploin Steak 12oz 西冷，都知叫Medium Well肉質會有的實，Waiter入完廚房出黎提議Medium真係好食的。最後明白點解要介紹Medium俾我地！黎到見到原來塊扒好厚，Mdeium我地用刀好易就分開，同時的肉汁已經流到成碟都見到。而且咬落口時係一件好多肉汁而且非常鬆軟既牛扒！！其實可以唔點跟黎既醬，好夠味，正爆！！配菜有半份原整蒜頭同幾粒薯仔(好彩唔係炸薯條，已經有一份😂)，由於朋友唔食蒜頭，所以只有我食。其實整熟左係好好味，好易逐粒整出黎，淋淋地，好香！
今餐係非常滿意既聖誕餐！！
Post
