Dan Ryan's Chicago Grill (利東街) (Closed)

聖誕節就快到☺️呢間嘅Christmas set好豐富~先送上兩碗龍蝦湯，鮮味濃郁，間中仲食到蟹肉。楓糖煙肉條配芝士流心蛋黃薯蓉醬煙肉條卜卜脆，口感好似食緊豬肉乾咁。醬料有鹹有甜，鹹就有芝士醬，甜就有朱古力醬，食出2種風味～10安士紐約西冷牛扒竟然係配朱古力肉汁，睇見都開心🥳小朋友就最喜歡☺️Dan Ryan 嘅牛扒一定不會令我失望，肉汁滿滿，口感有嚼勁，厚度適中，二人食剛剛好~仲有難以抗拒的炸薯條🍟焗忌廉菠菜蘑菇釀珍寶蜆殼粉好大粒蜆殼粉，入面釀咗好多料，如:菠菜、蘑菇，好似食緊餃子咁，粒粒飽滿，舖上馬蘇里拉芝士、巴馬臣芝士、香蒜蕃茄醬、紐堡醬，加入咁多種芝士、醬汁，特別好味😋甜品好有聖誕氣氛，烤棉花糖，可以點朱古力醬，放上消化餅上，甜甜蜜蜜，食完即刻心情開心晒。最後加咗一杯Christmas cocktail-candy cane，造型好似一間糖果屋色彩繽紛，入口有蘋果、肉桂味，酒味唔算濃，酸酸地，清新開胃。