Appendix Coffee & Bar (Closed)

和女友預早食聖誕大餐。一到步待應已經熱情招待，我地坐低之後就叫左個聖誕二人餐。當日餐湯係法式洋蔥湯，飲落有淡淡的清甜，飲落幾舒服。餐包無乜特別，無乜麥香味，但都烤得夠脆。然後就試左煎鵝肝，好_好吃呀！！！鵝肝本身已經夠香，加埋果皮醬點綴簡直係cls，完美咁構成道菜嘅平衡，必食。接住落嚟就係西班牙海鮮飯，味道恰到好處，亦食得出青口&大蝦處理得唔錯。烤羊架，唔知大廚點鬼樣整，可整到無騷味，熟度啱啱好，肉汁豐富，強推。西冷扒，肉質好就不在話下，封邊封得好，內裡熟度亦係perfect。最後甜品，非常法式（即係夠哂多糖），不過聖誕大餐唔緊要啦！