Video
Read full review
2005-12-22
8 views
嘩，自從上次食過安東尼既芒果大蝦後一宜念念不忘，所以今次由小弟做領隊，帶同一班同事到安東尼處做節，順便攪埋聖誕派對。由於我哋成三十幾人所以安東尼特地比咗成層我哋，而且安東尼見我哋咁開心仲送咗個自家製既Tiramisu 比我哋食。講番當晚食物既水準：1. 凱撒沙律：啲菜好新鮮，不過我本人就唔係對沙律就冇乜研究，但我班女同事個個都好鐘意，話個汁啱啱好，唔會太過酸同過多喎。2. 鮮打蘑菇湯：蘑菇味好香濃，可以睇得出落足料。3. 燒羊鞍：羊鞍燒得啱啱好，切開後可以見到啲肉汁慢慢咁滲出嚟，個個食過都話“超讚”，另外大廚更選用而家得令既煨蕃薯做配菜，真係連碟都清埋。4. 三椒炒蟹燴意粉：蟹肉鮮甜，而且炒得辣辣地幾惹味，而且意粉嗦哂啲汁，所以辣嚟仲好鮮甜。5. 芒果龍蝦炒飯：由於做節所以今次選用龍蝦，龍蝦肉彈牙爽口，個汁又好有果香，而且仲有大大件新鮮芒果肉，加上炒飯，直係不愧為得獎名菜。6. Tiramisu：真係幾好味，好軟滑帶少少酒香，唯一可惜係老闆送得一個Tiramisu 比我哋真係少啲，如果多一個就好喇。總結當晚我哋每一個人都滿肚而歸，真係食得好滿足。不過當晚消費多少就唔知，因為老細找數，但
1. 凱撒沙律：啲菜好新鮮，不過我本人就唔係對沙律就冇乜研究，但我班女同事個個都好鐘意，話個汁啱啱好，唔會太過酸同過多喎。
2. 鮮打蘑菇湯：蘑菇味好香濃，可以睇得出落足料。
3. 燒羊鞍：羊鞍燒得啱啱好，切開後可以見到啲肉汁慢慢咁滲出嚟，個個食過都話“超讚”，另外大廚更選用而家得令既煨蕃薯做配菜，真係連碟都清埋。
4. 三椒炒蟹燴意粉：蟹肉鮮甜，而且炒得辣辣地幾惹味，而且意粉嗦哂啲汁，所以辣嚟仲好鮮甜。
5. 芒果龍蝦炒飯：由於做節所以今次選用龍蝦，龍蝦肉彈牙爽口，個汁又好有果香，而且仲有大大件新鮮芒果肉，加上炒飯，直係不愧為得獎名菜。
6. Tiramisu：真係幾好味，好軟滑帶少少酒香，唯一可惜係老闆送得一個Tiramisu 比我哋真係少啲，如果多一個就好喇。
總結當晚我哋每一個人都滿肚而歸，真係食得好滿足。不過當晚消費多少就唔知，因為老細找數，但應該唔會好貴，因為老細話下次再攪派對都要去安東尼處。
Post