野玩海店 (Closed)

之前都聽過野玩海店有得食又有得聽live band，聖誕節就約朋友嚟左野玩海店食飯慶節！入到去裝潢設計好有心思好colourful，令人睇見都開心！餐包係提子乾包我地叫左白酒煮蜆同一個二人套餐焗原隻波士頓龍蝦海鮮拼盤！白酒煮蜆，蜆肉大大粒，用白酒煮令到蜆肉更鮮甜！二人套餐拼盤有1隻波士頓龍蝦，龍蝦好大隻，龍蝦肉好新鮮彈牙，仲有好多蝦膏添！仲有大蝦、青口、海蜆各2隻！拼盤仲包埋蒜蓉包、薯仔同粟米！醒埋雙重芝士汁令到成個拼盤更吸引！套餐仲配埋例湯、沙律、手造薄餅、甜品同野飲。例湯番茄濃湯，酸酸甜甜好醒胃。加20蚊轉左周打海鮮湯，個湯好creamy好滑，湯有海蝦、魷魚圈、蜆肉！沙律新鮮清新，開胃一流手造薄餅成8寸長，雜錦繽紛，芝士佈滿成個薄餅！餐飲叫左檸檬茶甜品入口絲滑，帶有酸甜嘅果香味，令人食完好滿足！最後特別值得一提嘅係餐廳好貼心準備好手套、圍裙、校剪、鉗、濕紙巾比我地食龍蝦大餐！