Video
Read full review
2021-12-31
554 views
-🦄友樂鮨-おまかせ Hkd1180 / Hkd1300Overall Rating🌕🌕🌕🌗🌑-聖誕節本身打算Book吓啲X’Mas Buffet點知 真係打勻晒比全香港嘅酒店都Full Booking好誇張唔係講笑 大家都為呢個聖誕節做足準備-於是我轉戰食Omakase 呢間餐廳較早前已被我收藏有一種比較隱世嘅感覺 唔算係一間好出名嘅餐廳但係大部分嘅評價都係性價比極高 真心想試試佢-當日我哋分別叫咗一個平嘅一個貴嘅套餐 試哂兩款分別在於 貴嘅套餐會多咗兩款刺身同埋一品料理價錢唔係差好遠 其實1300$都值得一試 唔係貴好多-♦️時令前菜三款-本日の前菜▪️Rating🌕🌕🌕🌗🌑-好開心我一早打電話去預留咗白子 就有得食白子雖然只係小小嘅一口 但係勝在好新鮮好Creamy我爸因為我而被逼食咗一份白子 雖然佢唔鍾意😏不過佢形容為豆腐花 其實呢個形容都幾貼切呀另外仲有海參同埋鮟鱇魚肝 海參我係第一次食我幾鍾意 因為佢似冰頭漬 配埋個汁食好開胃鮟鱇魚肝略嫌佢腥咗啲 不過口感都嫩滑好食如果唔係預留咗白子 唔知原本嘅前菜會係咩呢-♦️岩手縣真蠔-牡蠣🦪▪️Rating🌕🌕🌕🌗🌑生蠔嘅Size一般 唔算話
🦄友樂鮨
-
おまかせ Hkd1180 / Hkd1300
Overall Rating🌕🌕🌕🌗🌑
-
聖誕節本身打算Book吓啲X’Mas Buffet
點知 真係打勻晒比全香港嘅酒店都Full Booking
好誇張唔係講笑 大家都為呢個聖誕節做足準備
-
於是我轉戰食Omakase 呢間餐廳較早前已被我收藏
有一種比較隱世嘅感覺 唔算係一間好出名嘅餐廳
但係大部分嘅評價都係性價比極高 真心想試試佢
-
當日我哋分別叫咗一個平嘅一個貴嘅套餐 試哂兩款
分別在於 貴嘅套餐會多咗兩款刺身同埋一品料理
價錢唔係差好遠 其實1300$都值得一試 唔係貴好多
-
♦️時令前菜三款-本日の前菜
▪️Rating🌕🌕🌕🌗🌑
-
好開心我一早打電話去預留咗白子 就有得食白子
雖然只係小小嘅一口 但係勝在好新鮮好Creamy
我爸因為我而被逼食咗一份白子 雖然佢唔鍾意😏
不過佢形容為豆腐花 其實呢個形容都幾貼切呀
7 views
0 likes
0 comments
另外仲有海參同埋鮟鱇魚肝 海參我係第一次食
我幾鍾意 因為佢似冰頭漬 配埋個汁食好開胃
鮟鱇魚肝略嫌佢腥咗啲 不過口感都嫩滑好食
如果唔係預留咗白子 唔知原本嘅前菜會係咩呢
-
♦️岩手縣真蠔-牡蠣🦪
▪️Rating🌕🌕🌕🌗🌑
8 views
0 likes
0 comments
生蠔嘅Size一般 唔算話超級大隻好誇張嘅大小
口感上偏向結實 結實得嚟會有少少Creamy🤣
但又未去去到好軟綿綿入口即溶嘅感覺 你懂的
生蠔嘅蠔味頗重 海水味就一般 口感味道都新鮮
面頭上嘅酸汁啫喱 個人覺得可以再加多少少🤏🏻
-
♦️石垣鯛-イシガキダイ
▪️Rating🌕🌕🌕🌕🌑
7 views
0 likes
0 comments
來自九州南部鹿兒島縣 有住夢幻之魚嘅稱號
好鍾意佢白白地又粉嫩嘅顏色 果然係好夢幻
口感偏向結實 味道鮮甜 但係食落唔會好油膩
同時唔會覺得佢油脂感好豐富 係比較清爽嘅口味
配上師傅調嘅酸汁食 係比配上豉油食嘅更加好嘅
-
♦️活北寄貝-ホッキガイ
▪️Rating🌕🌕🌕🌕🌑
-
唔使多介紹 活北寄貝夠新鮮 同時又爽口彈牙
只係食到佢嘅鮮味 同埋爽彈嘅貝類口感 我鍾意
活北寄貝 我真係多多都食得落 鮮甜又好味😋
-
♦️深海池魚-縞鯵
▪️Rating🌕🌕🌕🌑🌑
-
好似好耐都無食過厚切嘅深海池魚 呢個真心厚架
因為佢有返咁上下厚度 所以口感較豐富飽滿同滿足
深海池魚一向有幾好食 我就唔長氣唔多講啦hehe…
不過有啲可惜嘅係 我呢塊池魚好似食到有啲筋😮💨
無奈地 或多或少都會影響到個口感 扣少少分咁啦
-
♦️鰤魚-ぷり
▪️Rating🌕🌕🌕🌕🌑
-
呢塊鰤魚比起上一塊深海池魚更加厚切 好誇張
我食嘅時候真係心諗 死啦今次實肥死喇 咁厚喎
好似啖啖都係脂肪咁…睇吓佢嘅粉嫩同埋脂肪分佈
其實都係因為我唔食拖羅 所以師傅先比鰤魚我
雖然佢油脂感十分之豐富 但係同時又多一點清爽
我相信如果佢經過炙燒 啲油迫哂出嚟就真係…爽死
-
♦️大拖羅-大トロ
▪️Rating🌕🌕🌕🌕🌗
4 views
0 likes
0 comments
一大片厚厚嘅 好粉嫩嘅大拖羅 經師傅炙燒
然後再用火槍燒過嘅脆卜卜嘅紫菜包住佢😜
即係一塊新鮮嘅紫菜 再包埋一塊正方形嘅油脂
呢種口感…我真係講唔出 只知道我爸話好好食
因為我唔食拖羅 所以無緣品嘗到呢份幸福感啦
-
✔️1300$嘅套餐會多咗兩款刺身 分別係帆立貝
✔️同埋牡丹蝦 帆立貝我有食到1/2塊 唔錯🥰
✔️食得出佢嘅鮮甜 好似即開即擺入口嘅感覺
-
🔹壽司五款-お寿司五貫
▪️Overall Rating🌕🌕🌕🌗🌑
-
♦️針魚壽司
▪️Rating🌕🌕🌕🌑🌑
3 views
0 likes
0 comments
第一貫壽司先嚟口感比較彈牙 味道清爽嘅針魚
針魚擺喺第一貫 其實係幾適合 主要食佢嘅魚鮮味
唔需要點太多醬汁豉油 唔係會蓋住咗佢嘅味道
油脂感唔係太重 好清爽 似啫喱般嘅針魚壽司
-
♦️蜜柑鯛壽司
▪️Rating🌕🌕🌕🌗🌑
0 views
0 likes
0 comments
平時鯛魚都食得多 蜜柑鯛我都睇人食得多
今次終於到我食 唔知大家知唔知蜜柑鯛是什麼
蜜柑鯛平時食嘅魚飼料中 加入咗蜜柑果皮
所以我哋細心品嘗 會食到淡淡嘅蜜柑香氣
特別係鯛トロ嘅蜜柑香氣最重 不過呢件唔係腩位
其實就咁睇 蜜柑鯛嘅色澤真係好靚 少少粉嫩
入口口感頗為爽口 一啲魚腥味都唔會有
蜜柑鯛 就咁聽個名 都幾少女 好啱我口味
-
♦️金目鯛壽司
▪️Rating🌕🌕🌕🌑🌑
1 views
0 likes
0 comments
金目鯛壽司 我最鍾意食嘅壽司之一
如果係炙燒就好啦 好想食到佢油脂感爆發嘅一刻
而家咁樣嘅金目鯛 十分之新鮮又爽口彈牙
魚肉鮮嫩 而且油脂含量唔算好勁 入口好舒服
-
♦️赤貝壽司
▪️Rating🌕🌕🌕🌗🌑
-
主要食到呢件赤貝好新鮮 爽口彈牙 好嫩
好易咬開 食到赤貝獨特嘅貝味及紋路 唔錯
如果鍾意食貝類壽司嘅話 食到佢會幾滿足
-
♦️海膽壽司
▪️Rating🌕🌕🌕🌗🌑
4 views
0 likes
0 comments
重頭戲嚟到最後就係呢件海膽壽司 佢有啲特別
平時食開嘅Omakase多數都係紫菜包住海膽
師傅會擺放係手上比你慢慢品嘗 不過呢度唔係
-
如果係1180嘅餐就會用小碟子上 無紫菜包住
飯同海膽嘅比例剛剛好 海膽好鮮甜好好味
-
如果係1300嘅餐都會有海膽 不過係用杯上
變咗海膽杯 仲會另外加啲富山縣嘅白蝦
我個人覺得兩者分別唔大 因為主角係海膽
只係如果海膽嘅份量可以多返啲就更加好啦
-
〰️壽司飯有先調味 我全程無點過豉油
〰️飯量我覺得剛好 唔需要要求師傅減飯
-
♦️清酒煮北海道赤鮑魚
▪️Rating🌕🌕🌕🌗🌑
0 views
0 likes
0 comments
1180嘅餐先有嘅鮑魚料理 個人覺得幾好食 唔錯
鮑魚爽口彈牙 一啲怪味都無 鮑魚好好咬 好鮮
下面仲配咗一口飯 變咗鮑魚壽司 仲有鮑魚肝添
師傅用鮑魚肝製成鮑魚肝醬 配飯配鮑魚食一流
個醬其實幾鮮 個人感覺佢仲有少少🤏🏻邪惡添
-
♦️蟹肉蟹膏手卷
▪️Rating🌕🌕🌕🌕🌑
0 views
0 likes
0 comments
因為我本人唔食拖羅 所以師傅轉咗蟹肉比我
蟹肉再加蟹膏嘅料做成手卷 蟹同飯嘅比例剛好
蟹膏好Creamy 但係味道唔算十分之濃郁
蟹肉份量都多 不過可以更多 整體而言幾好食
-
♦️蟹肉茶碗蒸
▪️Rating🌕🌕🌑🌑🌑
0 views
0 likes
0 comments
個人覺得呢個茶碗蒸其實麻麻地 唔啱我口味
雖然佢幾大碗 而且蟹肉嘅份量好多 好鮮
不過佢一啲蛋味都無 整體味道好清淡好稀
就算係普通蒸蛋都會有蛋味 何況呢個係蟹肉蒸蛋呢
所以 真心 個人對呢個茶碗蒸有少少失望 傷心
-
♦️時令清湯
▪️Rating🌕🌕🌗🌑🌑
0 views
0 likes
0 comments
賣相好靚 相信係熬咗好耐嘅鮮魚湯
配上豆腐同埋本菇 味道有少少🤏🏻腥
魚嘅味道唔算好濃 但係飲到熱湯暖胃好幸福
-
♦️一品料理-鰻魚天婦羅
▪️Rating🌕🌕🌕🌗🌑
-
1300嘅餐先會有嘅一品料理 當日係鰻魚天婦羅
一品料理日日都唔同 之前曾經見過人哋食和牛
不過我哋個日就係食天婦羅 炸粉好薄好脆
平時食開用鰻魚汁嘅味道 天婦羅都係第一次食
魚肉好鮮嫩 變成天婦羅都一啲唔油膩
配埋佢附上嘅汁格外鮮甜同埋好食 味道唔錯
-
♦️甜品-芝麻雪糕/柚子雪糕
▪️Rating🌕🌕🌕🌕🌑
-
同場加映 當日Omakase嘅甜品 係雪糕呀
有柚子 芝士同埋芝麻三隻口味 不過因為限制
出唔到相比大家睇 只能說佢哋真係好好食
特別係芝麻味 好香濃 芝麻味好香好吸引
柚子味就好開胃好清新 兩隻味都唔錯
雪糕口感軟滑 不過如果要簡 可能芝麻味會正啲
-
成餐Omakase食咗大約2小時鬆啲 食得好輕鬆
一路食嘅時候 店員周不時會嚟介紹同斟茶
-
不過整體嚟講 如果比我簡 我諗食1180嘅餐
無咗呢個鰻魚天婦羅 但係有鮑魚 都幾好呀
-
P.s.其實我好鍾意食Omakase啲漬物 我係秒清哂
特別係佢個蒜頭 真心世一 唔知有無人同我一樣
幻想如果我一清哂 師傅就即刻補給比我就好了🤓
-
Post
