Video
Read full review
2021-12-29
4794 views
見到天際萬豪自助餐聖誕有9折，又順便去大嶼山玩就嚟試食吓，見到之前啲留言又話冇嘢食呀，性價比唔高呀，但我就覺得比想像中有驚喜。首先聖誕當日有好多幾代同堂嚟食，好多小朋友氣氛好熱鬧，餐廳每枱放咗啲聖誕派對用品，有頭cool、吹吹捲呀等，好多人都戴咗個頭cool周圍走。食食吓又會有聖誕老人出嚟派糖同影相，好有氣氛。食物方面種類雖然唔係特別多，但每款都有水準。一嚟最多人排隊嘅刺身海鮮類，食咗三文魚同蟹鉗，啖啖肉仲有d膏，另外仲有青口、蝦、吞拿魚等選擇。試埋煙三文魚同忌廉焗三文魚，前者唔會死鹹，焗三文魚就不過不失，呢個價位食聖誕自助午餐收貨wor又，試過食九龍君綽真係可以用難食嚟形容。想講周打蜆湯都足料，見到真係有蜆、魷魚咁，不過個湯同放碗個位有距離，想拎湯就要打擾到排緊海鮮隊嘅人龍，有d麻煩。佢配包得兩三款，但自助餐應該冇咩人食包，所以合理🤣有啲菜式覺得比之前食嘅自助餐岩口味，印度脆脆有啲地方會整得好鹹，但呢度唔會，平時飲橙汁蘋果汁會覺得好甜，但呢度都係唔會，同埋有樽裝維他奶又幾啱天氣凍飲wor🤣幾款點心我就揀咗食比較唔易飽嘅豬肉燒賣同魚肉燒賣，貼近平時酒樓質素，都見到會有人拎糯米雞同叉燒包
首先聖誕當日有好多幾代同堂嚟食，好多小朋友氣氛好熱鬧，餐廳每枱放咗啲聖誕派對用品，有頭cool、吹吹捲呀等，好多人都戴咗個頭cool周圍走。食食吓又會有聖誕老人出嚟派糖同影相，好有氣氛。
食物方面種類雖然唔係特別多，但每款都有水準。一嚟最多人排隊嘅刺身海鮮類，食咗三文魚同蟹鉗，啖啖肉仲有d膏，另外仲有青口、蝦、吞拿魚等選擇。試埋煙三文魚同忌廉焗三文魚，前者唔會死鹹，焗三文魚就不過不失，呢個價位食聖誕自助午餐收貨wor又，試過食九龍君綽真係可以用難食嚟形容。
想講周打蜆湯都足料，見到真係有蜆、魷魚咁，不過個湯同放碗個位有距離，想拎湯就要打擾到排緊海鮮隊嘅人龍，有d麻煩。佢配包得兩三款，但自助餐應該冇咩人食包，所以合理🤣
有啲菜式覺得比之前食嘅自助餐岩口味，印度脆脆有啲地方會整得好鹹，但呢度唔會，平時飲橙汁蘋果汁會覺得好甜，但呢度都係唔會，同埋有樽裝維他奶又幾啱天氣凍飲wor🤣
幾款點心我就揀咗食比較唔易飽嘅豬肉燒賣同魚肉燒賣，貼近平時酒樓質素，都見到會有人拎糯米雞同叉燒包，但真係驚一食就飽咗。又試吓燒味，有燒鴨、雞等，食落係普通嘅。
去到火雞、鴨胸係一啲都唔hai口，火喉控制得幾好，配搭啲粒粒紅蘿蔔好味，四季豆、奶油椰菜款式感覺上係普通但好食。同埋本身幾鐘意食冷盤，好似雲耳、青瓜同蓮藕，所以滿意。
最後甜品環節，我覺得真係要試吓豆腐花，好有豆味。pancake可以揀落cream定紅豆，我揀咗紅豆，好大粒吓。蛋糕仔果度area係細，但會換唔同款式嘅甜品上去，香蕉蛋糕、星星莓撻，仲有聖誕帽芒果布甸都唔錯，其實仲有薑餅人曲奇同鬆餅，但最後時段先去會比人拎晒。都有movenpick同哈根大師雪糕揀。不過水果款式冇跟季節，係食菠蘿、火龍果、哈蜜瓜同西瓜，可想而知唔當造就唔好食。
其實去到最後食甜品前已經幾飽吓，雖然食物款式唔係勁多，但志在每款都幾岩口味，整體上都幾滿意，見在場喺最後半個鐘好多已經食飽抖緊🤣而且唔少人專登揸車嚟食，冇前面啲comment講到咁差，服務態度都好好👍
Post
