Video
Read full review
5 day(s) ago
0 views
就黎聖誕節又係約埋一班朋友去自助餐嘅時候，Mr. Steak Buffet à la minute已經推出咗聖誕主題自助餐「聖誕美食環球之旅及甜蜜草莓樂園」，除咗一連串嘅聖誕美食外，環境都佈置得好有聖誕氣氛。一如以往，任食佐賀牛都係呢到一大賣點，肉質油脂感滿滿，入口即溶嘅感覺，真係十分滿足。仲有每日新鮮直送多款時令海鮮，如龍蝦、蟹腳、大蝦、青口、即開生蠔等等，熟食方面選擇都好多，如鮑魚、乳鴿、花膠、鴨肝、香蒜芥未燒羊架等等，加入咗冬天港式特式美食，如菊花蛇羹、枝竹羊腩煲、臘味糯米飯等等，輕鬆食回本。為咗更有節日氣氛，飲品方面仲推出咗紅白酒同埋氣酒任飲，大家都可以盡慶而歸。甜品方面以聖誕草莓樂園為主題，包括有草莓椰子慕斯夏洛特蛋糕、草莓歌劇院蛋糕、草莓拿破崙、草莓吉士撻、草莓杯子蛋糕、草莓棒棒糖、草莓甜甜圈、特長雜草莓瑞士卷、草莓白天使忌廉蛋糕、草莓乳酪千層蛋糕、草莓金寶、草莓朱古力樹幹蛋糕、草莓芒果慕斯蛋糕，仲有Berries Mulled Wine及聖誕草莓Soda等等，草莓迷見到一定會瘋狂。仲有唔可以錯過即焗心太軟，可以自訂不同嘅祝福語同埋畫上個人化嘅圖畫，無論慶祝生日、紀念日或者
就黎聖誕節又係約埋一班朋友去自助餐嘅時候，Mr. Steak Buffet à la minute已經推出咗聖誕主題自助餐「聖誕美食環球之旅及甜蜜草莓樂園」，除咗一連串嘅聖誕美食外，環境都佈置得好有聖誕氣氛。
一如以往，任食佐賀牛都係呢到一大賣點，肉質油脂感滿滿，入口即溶嘅感覺，真係十分滿足。仲有每日新鮮直送多款時令海鮮，如龍蝦、蟹腳、大蝦、青口、即開生蠔等等，熟食方面選擇都好多，如鮑魚、乳鴿、花膠、鴨肝、香蒜芥未燒羊架等等，加入咗冬天港式特式美食，如菊花蛇羹、枝竹羊腩煲、臘味糯米飯等等，輕鬆食回本。
為咗更有節日氣氛，飲品方面仲推出咗紅白酒同埋氣酒任飲，大家都可以盡慶而歸。
甜品方面以聖誕草莓樂園為主題，包括有草莓椰子慕斯夏洛特蛋糕、草莓歌劇院蛋糕、草莓拿破崙、草莓吉士撻、草莓杯子蛋糕、草莓棒棒糖、草莓甜甜圈、特長雜草莓瑞士卷、草莓白天使忌廉蛋糕、草莓乳酪千層蛋糕、草莓金寶、草莓朱古力樹幹蛋糕、草莓芒果慕斯蛋糕，仲有Berries Mulled Wine及聖誕草莓Soda等等，草莓迷見到一定會瘋狂。仲有唔可以錯過即焗心太軟，可以自訂不同嘅祝福語同埋畫上個人化嘅圖畫，無論慶祝生日、紀念日或者示愛都一樣好驚喜！
Post
