Video
Read full review
2015-12-26
2343 views
agnès b. 嘅咖啡店到過唔少次，一向都覺得佢啲蛋糕好有水準；而agnès b. 嘅南法小餐館今回先喺第一次嚟，未知質素跟咖啡店又如何？因為都喺首趟，差啲搵唔到間餐廳，原因喺餐廳晌同名嘅運動服飾店裡面，入到去好似有新發現咁。又一城好多食肆都好多人，agnès b. LE PAIN GRILLÉ相對靜局少少，可能生客經過門面都唔知裡面有間法式小餐館。環境唔錯，唔好諗住喺賣法國菜就會好拘緊，其實，似咖啡室多啲，走輕鬆路線，以深啡襯墨綠，帶少少小館嘅悠閒風格。又以法國品牌Le Creuset器皿盛載，感覺更多幾分格調。雖然有晚市套餐供應，餐湯或沙律、主菜、甜點、啡茶，定價$328，好似有點貴，主菜又只有二揀一，所以，套餐好似唔划算。試試晌散點餐牌着手，3大頁就顯示晒所有菜式，包括：前菜、三文治、全日早餐、漢堡、主菜、法式蕎麥薄烤餅、意大利粉、咖啡、茶品、朱古力、特色凍飲、果汁……等等，選擇真唔少。先點啲飲品，再慢慢研究食乜。菠蘿茶 $42初時以為喺乜嘢，即喺檸茶嘅菠蘿汁版本，菠蘿汁加入紅茶內，味道都唔錯，茶香中有股菠蘿嘅清甜味，友人話嗒落幾得意，不過，$42的確有點貴，其實佢依度一杯凍檸
又一城好多食肆都好多人，agnès b. LE PAIN GRILLÉ相對靜局少少，可能生客經過門面都唔知裡面有間法式小餐館。環境唔錯，唔好諗住喺賣法國菜就會好拘緊，其實，似咖啡室多啲，走輕鬆路線，以深啡襯墨綠，帶少少小館嘅悠閒風格。又以法國品牌Le Creuset器皿盛載，感覺更多幾分格調。
雖然有晚市套餐供應，餐湯或沙律、主菜、甜點、啡茶，定價$328，好似有點貴，主菜又只有二揀一，所以，套餐好似唔划算。
試試晌散點餐牌着手，3大頁就顯示晒所有菜式，包括：前菜、三文治、全日早餐、漢堡、主菜、法式蕎麥薄烤餅、意大利粉、咖啡、茶品、朱古力、特色凍飲、果汁……等等，選擇真唔少。先點啲飲品，再慢慢研究食乜。
菠蘿茶 $42初時以為喺乜嘢，即喺檸茶嘅菠蘿汁版本，菠蘿汁加入紅茶內，味道都唔錯，茶香中有股菠蘿嘅清甜味，友人話嗒落幾得意，不過，$42的確有點貴，其實佢依度一杯凍檸茶都$38架。
藍莓香蕉沙冰 $48沙冰及梳打喺特色凍飲嘅類別，而依一杯沙冰掂喎，因為沙冰打得冰凍幼滑，唔會出現冰粒感，入口先嚟藍莓嘅酸香，再飲落就有香蕉味慢慢滲出，真喺幾好飲，兼幾抵飲，啖啖真材實料。
藍莓香蕉沙冰
$48
24 views
2 likes
0 comments
鮮奶咖啡一向喺小弟心水，不過，杯咖啡絕對成為唔到是晚嘅心水，拉花拉得麻麻都有相睇，但亦唔好睇得太重拉花嘅嘢，重點喺個咖啡撞奶泡唔夠平均，所以，入口唔夠圓滑。
牛油焗田螺 $98喺經典嘅法式味道，一客有6隻田螺，隻隻都頗大粒，所以，肉地都比較厚身，入口挺實而帶點韌勁，隻隻都充滿牛油及香草香味，只喺小弟略嫌佢有少少過油。
煙雞肉及煙鴨胸配車厘子醬汁法式蕎麥薄烤餅 $88甜品嘅法式薄餅食過唔少，而依一種鹹食嘅法式蕎麥薄烤餅（Galettes）都喺第一次試，一共有5款選擇（$78-$148），我哋揀咗中間價位嘅煙雞肉搭煙鴨胸。深啡微焦嘅蕎麥烤餅口感煙煙韌韌，帶點點麥香，裡面包住唔少嘅煙雞肉，外面鋪上煙鴨胸，淋上車厘子醬汁，肉嘅煙燻味夾雜車厘子嘅甜甜酸酸，感覺非常有趣。
因為時值聖誕，店家亦有乘勢推出應節菜式，有芝士火鍋、雜綿拼盤、燉牛臉頰及甜品，都喺散點嘅，店員就自不然會推介俾客人。睇落定價亦唔算貴，值得試試！
雜綿拼盤 $188一共包含6款食物，雖然以二人份為前題，不過，鎅開去又可以讓幾個人一齊共享。賣相頗精緻，因為件件都做得的骰小巧，色彩繽紛，非常吸引，大可作為餐前小食。當中嘅鮮露筍、炸薯條配黑松露沙律醬就唔多介紹，前者新鮮爽脆，後者亮點都喺個黑松露沙律醬。
鴨肝松露醬麵包厚厚嘅鴨肝醬，豐腴甘香，塗晌麵包上，變得更加軟滑可口，配搭一小瓣新鮮無花果，清香甜蜜，平衡番少少鴨肝醬，喺幾款小點中最欣賞嘅一款。
鴨肝松露醬麵包
26 views
1 likes
0 comments
鮮蝦先經過烤香，口感仍保持爽彈。下面喺迷你酥盒，有蕃茄沙沙加少少黑魚籽，酸香鮮活中滲出淡淡鹹鮮，幾有心思。
巴馬火腿鵪鶉蛋包裹成球形，真喺唔一啖咬落去都唔知喺乜，巴馬火腿充滿油香，帶鹹味而令鵪鶉蛋都變得甘香。
田螺酥最驚喜喺個螺殼都可以食得，仲好鬆脆酥香，而且，啲田螺比起上面所介紹嘅牛油焗田螺仲好食，一來無咁油，二來加添少少芝士，效果更好，墊底嘅薯蓉都好軟滑。
田螺酥
22 views
1 likes
0 comments
打開煲蓋，香氣四散，大大件牛臉頰肉肉質唔單止鬆化軟腍，仲富有重重嘅膠質，而個砵酒汁非常香濃好味，所以，再以外脆內軟嘅法包沾嚟食，同樣不減「味」力，再者，汁內有好多配菜，令整道菜都顯得極之豐富。咁正嘅菜式，大可納入常規菜式中。
燉牛臉頰
$288
39 views
1 likes
0 comments
同朋友聚一聚，傾吓偈，講講近況故然開心，但能夠一齊享用到美味嘅食物，稱心滿意，就更加滿足！
Post
