Video
Read full review
2016-12-07
5983 views
12月，聖誕月，各大酒店都會陸續推出以聖誔為主題的Buffet，我一向喜歡自助餐的熱鬧氣氛，咁當然要叫埋阿J 同我一齊感受下啦。今次去的MoMo Cafe，位於沙田萬宜酒店一樓，未入餐廳已被酒店大堂那棵充滿着節日氣氛的巨型聖誕樹吸引着。由於我每次食Buffet都先食喜愛的海鮮，往往都唔記得一開始就去沙律區開一開胃口，今晚我終於記得，先食了些新鮮開胃的沙律、蕃茄仔及青瓜熱身，接著便試了Edam, Camembert, Blue Cheese 及超香超好味的Raclette Cheese 這四種不同種類的芝士及數款火腿和香腸做今晚頭盤，一於漫漫嘆。跟住到凍海鮮區，除了有我喜歡的爽甜中蝦、啖啖肉的長蟹腳及多膏的麵包蟹外，青口、波士頓龍蝦及翡翠螺當然唔少得，就連在凍盤較少見的泰式生蝦、日本鮑魚仔、東風螺、白蜆及墨魚仔都有得食，這個凍海鮮區我食得非常滿足。我好鍾意食粉麵，這裏的麵檔選擇非常之多，麵都有米線、河粉、番薯粉及幼麵四款你揀，肉類有整豬牛雞魚，亦有多款丸類及蔬菜選擇，即叫即煮，包滾熱辣，特別推介嫩滑雞肉及爽彈魚蛋。由於最近有㸃寒咳，今晚不能食魚生，雖然有三文魚、鯛魚、希靈魚、八爪魚等刺身
由於我每次食Buffet都先食喜愛的海鮮，往往都唔記得一開始就去沙律區開一開胃口，今晚我終於記得，先食了些新鮮開胃的沙律、蕃茄仔及青瓜熱身，接著便試了Edam, Camembert, Blue Cheese 及超香超好味的Raclette Cheese 這四種不同種類的芝士及數款火腿和香腸做今晚頭盤，一於漫漫嘆。
跟住到凍海鮮區，除了有我喜歡的爽甜中蝦、啖啖肉的長蟹腳及多膏的麵包蟹外，青口、波士頓龍蝦及翡翠螺當然唔少得，就連在凍盤較少見的泰式生蝦、日本鮑魚仔、東風螺、白蜆及墨魚仔都有得食，這個凍海鮮區我食得非常滿足。
73 views
1 likes
0 comments
由於最近有㸃寒咳，今晚不能食魚生，雖然有三文魚、鯛魚、希靈魚、八爪魚等刺身美食，但我只好忍口，偷吃了一件三文魚，新鮮好味。好，轉戰熱盤，每樣都有試d：燒味有豉油雞、燒排骨及燒鴨，其他熱盤有冰梅醬雞球、燴鴨甫、醬爆牛肉、煎豬柳、蒸海魚、燴龍鯏柳、鮑貝時蔬等，亦有印度咖哩蔬菜配香味飯，更有原個大蒸籠的糯米飯食，貪吃的朋友有福了，差點兒忘記仲有即叫即煮的各款意大利粉。
由於今日食沙律開咗個胃，戰鬥力旺盛，食完以上咁多美食仍然好好胃口，以下幾款12月剛推出的精選美食你一定要留肚食，千祈唔好錯過呀。這款黑松露稻庭烏冬之前已在酒店的總統套房品嚐過，水準依舊出色，極香的黑松露配軟硬適中的稻庭烏冬，加埋炸得香脆乾身的瑤柱絲，必食推介。
新推出的燒越南大頭蝦又係另一出色作品，蝦膏又香又多唔在講，爽甜彈牙的新鮮蝦燒得惹味香口，食多幾隻已回本。
身為牛魔王的我，當然唔會錯過這裏的燒牛肉以及新推出的和牛焗薯蓉，前者煮得生熟度剛好，肉質軟腍。而和牛焗薯蓉這個配搭新穎，和牛的甜配薯蓉的香，滿足又飽肚。
接着這款是女士們至愛；迷你佛跳牆，足料夠火喉，厚花膠、鮮甜螺頭、軟腍瘦肉同埋超大隻冬菇，真係超大隻，這盅燉湯，夠晒補身滋潤。一輪衝鋒後，到甜品時間，多款口味的蛋糕、果撻、奶凍、果凍、芝士餅等任君選擇，當然唔少得具聖誕氣氛的甜品坐鎮如焗麵包布甸及朱古力慕絲等。而我就最鍾意朱古力噴泉這區域，多款色彩繽紛的棉花糖及擺得整齊有條理的糖果不斷香甜品控及小朋友招手。
講到色彩繽紛，不得不提這個七彩pancake ，淨係賣相都已經贏晒，七種顏色代表着七款口味，分別係士多啤梨、薑、橙、綠茶、蔥、藍莓以及紫薯，各有特色，我就覺得薑味最特別。
係咪好豐富呢？你又覺得要幾多錢呢？平日一至四只需$458，週末五六日都係$508，指定信用卡仲有八五折優惠，真抵，由沙田市中心揸車嚟5分鐘就到，仲可以有兩個鐘免費泊車優惠，唔使迫又唔使塞車，呢餐PJ 食得好開心。
Post
