火鍋煮場 (Closed)

今日同D 朋友飯聚，想坐得耐D傾下計通常我地都會揀打邊爐識食梗係食海鮮先，咁個湯底就會更加甜，我地叫左碟波士頓龍蝦🦞，超新鮮超甜，龍蝦肉好爽口唔會晦淋淋，蟹鉗好正，好大舊，通常朋友仔都會讓比我食🥰🥰另外呢到D 脆鯇魚🐟好正，真係脆卜卜，我試過市面上有火鍋店係用普通鯇魚片，質感同個味都差九條街，一碟份量仲要唔少獅頭鵝腸又係又一經典，而家呢個餸出面食飯買少面少，無乜幾可撞啱有得食，但偏偏呢到就有嘞。鵝腸係要有D油先好食，好肥美，大大條因為友人唔食牛，所以叫左黑豚肉食，嘩，不得了🤩。睇到塊肉D油脂分佈又靚又平均，一圈圈排得整整齊齊，又唔會因為解凍後淋pat pat，見到都流晒口水啦，即刻變左隻食肉獸而蔬菜我地就揀左近年大熱嘅萵苣，最後食可以吸曬D 海鮮同肉汁，爽脆或淋身豐儉由人，我就鍾意淋滋滋，因為咁先入味嘛我地幾個最後要捧住個肚，去商場散左2.5 小時步先攪得掂🤪🤪