聚一醉火鍋小館 (Closed)

天氣終於轉冷, 真正踏入冬天既一刻, 緊係食火鍋啦。今日去黃埔行完街, 就順路去埋紅磡睇下有咩好有野食。經過崇潔街, 見到聚一醒門口牌住全單有八八折, 所以最尾決定係依度食火鍋。依度環境都幾闊落, 枱與枱之間都有距離。食物方面,種類選擇都算多。另亦都設有多種醬料供選擇。安格斯肥牛（細）：食火鍋點可以無肥牛呀，今次亦都唔例外，繼續食肥牛啦。肥牛上面既雪花分怖得好平均，而且色澤鮮紅，肥牛既分量都比想像多。放落湯底到灼一灼，牛肉已經熟左，咬落去第一口，牛肉味濃，肉質鮮味，口感好淋身。好正！用依個價錢食依個質素既肥牛，抵食！潮汕牛肉丸-半份：兩個人食叫左半份就夠，賣相同普通牛丸差唔多，但咬完估唔到有咁多汁同有濃郁牛肉味，味道似足手打牛丸夠哂彈牙炸紫菜響鈴：一般響鈴都只係鮮炸腐竹，但依個入面捲住左紫菜，灼一灼就食得，陣陣紫菜香同響鈴原有既味道好夾。唐生菜：份量好多，菜食得出好新鮮凍檸茶：茶底濃，同檸檬味好夾。而且比一般既火鍋店既凍檸茶大杯，唔洗驚唔夠飲。