Video
Read full review
2019-09-27
311 views
升職請貴人食飯，有另一個好友同事一齊做東，不想食典型的圍菜（再強調我討厭食圍菜）又要餐廳環境好坐嘅，最後揀了呢間商場內的閩南菜，打電話訂位，要分兩個時段，揀了下半段，比預定時間早到已經可以入座，餐廳半開放式，有桌椅放到商場走道，裝修似東南亞風西餐廳多啲，簡約淺木，桌椅較密，我們8人有一張橢圓形桌子，與鄰桌有屏風間隔，雖然不是房都有基本的私密感（當然我們大聲說話都會嘈到客人）訂位時電話中問店員在官網有否最新餐單？佢要問其他店員先答應該有！資訊上不太熟悉！前菜：醃木耳：爽口彈牙，酸酸的開胃醃面蘿蔔片：爽脆酸爽開胃，好味8人A套餐（$1888）冰浸苦瓜：好美的擺盤，砌成玫瑰花，本身不吃苦瓜的，吃一片不會苦澀，有甘味！幾好九轉小腸：滷水汁煮豬腸，腸衣應該係層層疊，所以食一碌即是食好多截腸，滷水味不會太鹹，彈牙又無壓味！好味水晶豬蹄凍：豬蹄凍切丁，撈上啲酸辣汁，好似食酸辣肉味啫喱咁，好味滷水嫩豆腐：無食鹽焗豬肝：對豬肝一般好感，對沙沙的豬肝沒有好感，只覺得硬硬又沙沙的！蒜蓉蒸蝦：賣相靚，蝦新鮮，蒸完好香，不過略嫌細隻，有啲削！風味松鼠魚：好好味，魚肉外脆內軟，加上酸味提味，好開胃黃金荷葉包：一盤
有桌椅放到商場走道，裝修似東南亞風西餐廳多啲，簡約淺木，桌椅較密，我們8人有一張橢圓形桌子，與鄰桌有屏風間隔，雖然不是房都有基本的私密感（當然我們大聲說話都會嘈到客人）訂位時電話中問店員在官網有否最新餐單？佢要問其他店員先答應該有！資訊上不太熟悉！
前菜：
醃木耳：爽口彈牙，酸酸的開胃
醃面蘿蔔片：爽脆酸爽開胃，好味
8人A套餐（$1888）
冰浸苦瓜：好美的擺盤，砌成玫瑰花，本身不吃苦瓜的，吃一片不會苦澀，有甘味！幾好
九轉小腸：滷水汁煮豬腸，腸衣應該係層層疊，所以食一碌即是食好多截腸，滷水味不會太鹹，彈牙又無壓味！好味
水晶豬蹄凍：豬蹄凍切丁，撈上啲酸辣汁，好似食酸辣肉味啫喱咁，好味
滷水嫩豆腐：無食
鹽焗豬肝：對豬肝一般好感，對沙沙的豬肝沒有好感，只覺得硬硬又沙沙的！
蒜蓉蒸蝦：賣相靚，蝦新鮮，蒸完好香，不過略嫌細隻，有啲削！
風味松鼠魚：好好味，魚肉外脆內軟，加上酸味提味，好開胃
黃金荷葉包：一盤炒肉絲，另一碟芝麻包，大家都不知道是要攞包住肉絲食的，當了肉絲是小菜，茄汁肉絲炒洋蔥，好味，芝麻包炸得香口乾身，不會油膩膩，淨食都好味
椒鹽豬手：賣相靚，椒鹽香，但豬手太肥，撕走肥膏都無乜肉食
蒜片炒荷蘭豆：已經有一段日子無食過荷蘭豆，食店都改炒蜜糖豆，荷蘭豆爽脆好味
興化炒米粉：好好味，米粉係新竹米粉，炒得乾身，夾雜好多材料絲，好好味
芋圓花生湯：芋圓不太多，又不彈牙，花生味又不香，糖水除了甜味又食唔出同花生或芋圓夾到的味，樣子又膠水！套餐內最失望的食品
另加：
蟶子兩食（$198）有8種煮法可選兩款
鹽焗蟶子：蟶子小小的，肉質彈牙新鮮，鹽焗提鮮！唔會太鹹，好味
冰爽酒糟蟶子：涼拌菜式，蟶子新鮮彈牙，酒味不會太攻，夏天涼涼的吃好適合
食物大家都好滿意，店員勤快有禮，上茶開酒都唔使煩心搵人（有些餐廳是客人舉頭舉手一會，才有店員回應，那些餐廳不是服務差，只是沒有這間被關顧的感覺）一晚好盡興的一餐飯！
聚會好選擇
Post
