第三站

Station 3是一個聚會嘅好地點，位置方便，環境清雅之餘，除咗有野食野飲之外，仲有board games俾客人玩，仲有獨立VIP房，可以話無論係同閨密定係三五知己黎都好適合。今日同朋友黎食野傾計，所有套餐配一杯$34嘅飲品/補差額揀$34以上嘅野飲，加$30可以升級有沙律同甜品，價錢非常合理。我點咗黑松露帶子鮮菌燴意大利飯($80)，一上黎已經見到滿滿嘅黑松露，食落去非常香，3款食材好夾，而且比我想像中嘅份量多好多。而飲品嘅選擇真係多到眼花瞭亂，有特飲、咖啡、奶昔、乳酪、花茶等等，花茶仲列明咗功效，好貼心。今次我叫咗死神，係可樂加朱古力雪糕(+$11)。朋友點咗煙三文魚野菌忌廉燴意粉($82)，三文魚拼成花樣，片片都好厚，creamy得黎又唔膩。香蕉朱古力(+$6)我地仲額外點咗特色拼盤($58)，有麥樂雞、雞翼、日式餃子、春卷、咖哩角、花枝丸、龍蝦丸，炸得非常香口，係吹水嘅好伙伴。最後每人一款甜品，特濃朱古力蛋糕($25)，口感鬆化，啖啖香濃嘅朱古力味。藍莓芝士蛋糕($25)，質感結實，層層分明，芝士味非常重。