Video
Read full review
2016-09-26
1010 views
今日黎到「開餐達人」開餐, 等我地黎試一試味道係咪真係達人of開餐啦~一入到門口就見到大大個招牌名BAGOT掛住係牆邊。 原來佢唔止係一個招牌, 仲係一個兒時既玩意~名就唔多記得叫咩, 總之就係拎枝棒有個圈,慢慢咁通過充左電既BAGOT路線,只要唔好掂到鐵既部分到終點就完成。 一入到黎最吸引我既野就係呢個玩意,可見呢間餐廳既玩味都充足。但係入番正題, 梗係講下餐廳既環境同食物啦~先講環境, 呢度絕對唔係豪華既裝修, 反而係懷舊既感覺,一種好似以前既嘉年華會既氣氛,比到我一份親切既人情味。再黎就係食物喇~~~「開餐達人」食既係任食既火鍋,而且呢度同出面既火鍋店既分別係在於佢地係不限時嫁!!!你無睇錯,係真係無限時嫁, 所以一班學生,同事或者三五知友想輕輕鬆鬆咁打個邊爐。 「開餐達人」絕對係你地既好選擇。湯底亦都同出面既唔同~~出面平常既會係一個湯底或者係雙拼湯底。但係「開餐達人」係三拼既湯底~~ 有豬骨湯 (必選) 然後再拼兩個湯底 (清湯/韓國海鮮泡菜湯/雞煲)。重口味既我地揀左豬骨湯,泡菜湯同雞煲。食物方面,全部都係一般火鍋會有既食物,但係就無咩海鮮果D。注意食物單上面有一個叫MIN
一入到門口就見到大大個招牌名BAGOT掛住係牆邊。 原來佢唔止係一個招牌, 仲係一個兒時既玩意~名就唔多記得叫咩, 總之就係拎枝棒有個圈,慢慢咁通過充左電既BAGOT路線,只要唔好掂到鐵既部分到終點就完成。 一入到黎最吸引我既野就係呢個玩意,可見呢間餐廳既玩味都充足。但係入番正題, 梗係講下餐廳既環境同食物啦~
先講環境, 呢度絕對唔係豪華既裝修, 反而係懷舊既感覺,一種好似以前既嘉年華會既氣氛,比到我一份親切既人情味。再黎就係食物喇~~~
「開餐達人」食既係任食既火鍋,
而且呢度同出面既火鍋店既分別係在於佢地係不限時嫁!!!
你無睇錯,係真係無限時嫁, 所以一班學生,同事或者三五知友想輕輕鬆鬆咁打個邊爐。 「開餐達人」絕對係你地既好選擇。
湯底亦都同出面既唔同~~出面平常既會係一個湯底或者係雙拼湯底。但係「開餐達人」係三拼既湯底~~ 有豬骨湯 (必選) 然後再拼兩個湯底 (清湯/韓國海鮮泡菜湯/雞煲)。重口味既我地揀左豬骨湯,泡菜湯同雞煲。
食物方面,全部都係一般火鍋會有既食物,但係就無咩海鮮果D。注意食物單上面有一個叫MINION芝心丸, 其實就係普通既芝心丸上面印左MINION個樣係度,味道就無咩特別,但係樣子就幾討好,可以一試!!
食飽之後,見到呢度有好多懷舊既玩意可以玩, 飛行棋,鬥獸棋, 五子棋, 咬人鯊魚都有~
絕對係茶餘飯後,同朋友消磨時間既好方法!!!總括黎講, 「開餐達人」既最大既賣點並不是食物,而係佢任食不限時同埋係食火鍋之餘可以同一大班朋友一齊玩遊戲, 度過一個開心既用餐時光。情侶的話我就不太建議,但係一大班朋友的話「開餐達人」係一個聚會既好選擇。
,
Post
