樂園 (Moved) New Location

因為同朋友聚會嘅關係，就嚟到尖沙咀搵嘢食。為咗唔想同人哋迫，所以我哋決定去一啲樓上嘅咖啡室。朋友就帶咗去呢一間位於環球商業大廈2樓嘅樂園。呢度唔算好大，但勝在氣氛幾好。都見到有幾台有10幾人嘅朋友聚會。周圍都擺咗好多卡game，有deal,要有啤牌，有過三關等等，係一個聚會傾計嘅好地方。我哋嚟到都已經好肚餓，所以就即刻叫嘢食。我叫左香煎牛柳粒飯配黑椒汁，＄128，朋友就叫咗煙腩蛋黃忌廉扁意粉，＄128。香煎牛柳粒煎得啱啱好，好諗身，唔算油膩，牛味香濃，配上甜甜辣辣嘅黑椒汁，好惹味。估唔到呢個份量都算大，個飯都幾多，另外伴碟好靚。煙腩蛋黃忌廉扁意粉好重奶油香味，意粉好爽身，煙腩都煎得好香，呢度嘅伴碟真係一讚，令人增加食慾。小食就叫咗芝士焗大啡菇，好Juicy,大啡菇好多水份，焗完亦都唔覺得乾，配上芝士，有淡淡清香，好好味。飲品就叫咗樂園咖啡同埋果茶，樂園咖啡要交加＄35,不過味道唔錯，好濃嘅咖啡香味，而且有幾大杯。喺呢度傾返個一兩個鐘計都唔會悶，氣氛好，而且又有遊戲，的確係一個幾好嘅餐廳選擇。