Hugo Le Resto Grill (Closed)

呢日同朋友仔係銅鑼灣行街，今日想食西餐，就係openrice 搵到呢間餐廳。餐廳全部用沙發櫈，坐得舒服，值得一讚！呢度係簡一個主菜，跟沙律吧同龍蝦湯。主菜由扒類到意粉都有。今次我地就要咗一個魚同一個意粉。沙律吧選擇唔少，幾款沙律菜、水果同兩款海鮮。啲蝦大大隻！ 龍蝦湯份量都幾多下，味道濃郁，仲有料係入面。香煎格陵蘭比目魚配清新柚子汁一碟有兩大塊魚扒，再配上沙律菜同紫薯。魚扒加上柚子汁，柚子汁減低油利度，仲有紫薯飽肚甜甜地好好食！ 香草醬海鮮扁意粉意粉入面有好多海鮮，十分足料，又有蝦、三文魚、魷魚同蛤。一碟意粉滿足多個願望！每個餐都包一杯餐茶呢！