聚福樓 (Closed)

聚福樓呢間位於屯門嘅秘密後花園， 呢度嘅環境清優舒服，最適合嘅就係空閒嘅時候嚟呢一度 嘆返一個悠閒嘅下午茶。鍾意影相嘅朋友呢度都係一個唔錯嘅影相好地方枱同凳款款都唔同，顏色亦都唔一樣架牆上掛住唔同嘅畫作， 好有藝術嘅氣氛呢個豐富嘅下午茶價值138蚊凱撒汁沙律菜，烤煙肉，烤香腸，煎火腿，炒蛋，三文魚，芝士焗大蕃茄，茄汁焗豆，厚鬆餅配草莓醬同埋草莓乳酪， 一個餐可以滿足哂幾個願望 ，有前菜主菜到甜品同飲品， 整體食物質素都可以。呢個下午茶嘅賣相都好吸引呀覆盆子&玫瑰(左) 百香果梳打(右)呢杯覆盆子飲落似藥水味， 吞咗落去仍然有陣藥水味喺個口腔入面揮之不去。而百香果梳打就非常之甜， 甜到好似飲咗成 羹糖咁樣 雖然呢間舖頭無論環境同埋食物嘅樣貌都係好靚好吸引，但實質食物既味道無想像中咁出色，可以有待改善，不過環境真係好正好舒服。