魔膳廚房 (Closed)

朋友約觀塘食飯，行錯路，響工廈上電梯去間餐廳 - 魔膳廚房。餐廳面積好大，裝修復古得黎又有藝術感，仲有projector 播下片。餐牌都好別緻，長型厚木板📋，有套餐又有單點，琳琅滿目。餐廳中心有沙律bar，跟餐加+$38就可以任食沙律，可惜冇影到相😣！ 沙律款式多不勝數，好似酒店自助餐咁👍🏻，例如：三色椒、生洋蔥圈、車厘茄 等等，沙律醬款式都四五款。 但今晚唔係好肚餓，我地兩個都冇加錢食，在場都有過半食人食。我地叫左兩個set dinner，跟餐有餐湯&餐包，餐湯有羅宋湯/南瓜湯，一人一款，羅宋湯好多配料，朋友話南瓜湯好creamy。餐包熱哄哄，表皮脆內裡軟，有別一般質素。主菜：扒大虎蝦配龍蝦汁意粉，有虎蝦&青口配襯，材料新鮮。意粉配龍蝦汁，味道更濃厚！意粉底仲有層蝦米&八爪魚粒吸哂精華。墨西哥香辣豬肋骨配芝士焗瘋薯，大大條Baby Ribs，廚房好勁，咁大條都冇燒焦之餘，仲燒到好香 好有咬口。