Cafe Fabulous

Open Now

Now Closed

今晚朋友帶我來這間樓上cafe晚飯，佢話貪佢地方闊落環境唔錯，梳化位特大仲有board game玩。二人套餐 $318食物味道唔錯，食完仲可以坐多陣傾下計又幾舒服的。蜜糖芥末雞翼小食雞翼六隻，肉質嫩唔乾身，味道甜甜地。黑椒炸蝦天婦羅螺絲粉炸蝦天婦羅炸粉唔厚做得唔錯，有外脆内嫩之感。螺絲粉軟身大條份量多，黑椒汁普普通咁，味道唔算太豐富，唔係好重黑椒味但就夠辣口。黑椒脆香雞扒意粉同樣係黑椒汁與螺絲粉同一味，食多有點厭，只怪自己無留意點了重複味道。意粉幼身唔易斷食落有咬口，雞扒好大塊佔了大半碟，雞皮香脆肉質嫩，份量多食完飽晒。法式焦糖燉蛋薄薄的焦糖甜度適中燉蛋好滑，食完好滿足的甜品。蛋白燉鮮奶燉鮮奶口感滑，加埋朱古力脆脆配配搭口感味道好夾，份量唔多食完有點唔夠喉之感。藍柑桔乳酸(貳月)酸酸甜甜清新開胃，睇得又飲得。抹茶沙冰(拾壹月)賣相唔錯，有球雪糕飲落碎冰太多抹茶味道偏淡。