大同韓燒 (Closed)

耐唔耐就會約埋幾個朋友食韓燒，今次黎到朋友介紹嘅大同燒烤，果然係聚腳好地方，地方闊落，坐得舒適，入座起計任飲任食兩個半鐘，唔怕趕頭趕命。佢地吸引之處係可以任叫三文魚刺身，雖然係任食，但屬於新鮮肥美質素呢到抵讚。自助吧就有好多款選擇，前菜有泡菜大豆芽呢D唔少得，又有小食如魚蛋，玉子燒，味道唔錯。最鍾意佢個泡菜牛骨湯，香濃蕃茄味又辣辣地。肉類、海鮮同菜類都有得選擇，我地都食唔哂咁多種，而且每款肉都唔同醃料嘅，唔會下下都係同一隻味咁悶，最推介係厚切牛舌，正。飲品勁多選擇，唔係大陸牌子，仲有好多係韓國特色飲品揀。最後仲有甜品、雪糕呢D食，非常豐富惹味嘅一餐。