Hami Harmony (Closed)

今日下午同朋友行行下街，經過一間白色外門的cafe,見到幾靚，所以想試下。店舖外門係白色裝修，有寫午市套餐的餐牌。餐廳入面都好多掛飾，好感好似過緊聖誕節，因為有聖誕掛飾掛在天花板上。店舖位置都幾多，不過不算十分闊落，有少許迫，如果你不是坐在四人枱卡位的話，會感動擠迫。點了一個鵝肝多士$73。小食拼盤$138。蛋白餅伴熱情果汁$65。一杯哈密瓜菠蘿🍍梳打$38。同一杯伯爵紅茶$36。伯爵紅茶普普通通，紅茶味道，沒有特別可言，跟平時飲開的是一樣。哈密瓜菠蘿梳打梳打好重碳酸的氣味，菠蘿味同肉好多，杯底好多果肉，但哈密瓜🍈味道不是太突出。鵝肝多士多士十分脆口，鵝肝都很大塊，不過鵝肝肉有少微苦，朋友說這是鵝肝本身的味道，不過我不是太喜歡微微苦澀的味道。小食拼盤芝士條外脆，而入面的芝士可以拉絲，所以都幾有驚喜。而甜薯條🍟很長同脆口，甜甜的。bbq汁雞翼，醬汁同雞翼好夾，不過雞翼有少許硬同細，肉質不是太嫩滑，芝士蔥餅好香香蔥味。蛋白餅伴熱情果汁蛋白餠做得香脆，熱情果汁味好濃郁，不過中間的cream太多了，有點膩囗。食咗300幾，而且要加一，有少許貴。