富田和食亭 (Closed)

今次同舊朋友聚舊，一排無見，梗係食餐勁既不過某啲出名嘅實在太多人，又就返朋友放工地方，決定去藍田嘅富田和食亭一試。見食評都唔錯 ！當日係星期四，去到後6點，時間剛剛好，唔算多人。唔洗等有得食太開心因為空住肚子成日，實在太肚餓了，而且朋友好鍾意食魚生，佢開心到不得了。坐左之後睇下啲食物，都幾多野㗎！竟然仲有簡單嘅打邊爐，有壽司，料理，酒，刺身。刺身都幾多選擇 ，如果壽司有埋玉子就更好 ！佢嘅壽司好多係火炙壽司，另外仲有揚物，扒同串燒類，拉麵，手卷，天婦羅，燒物同沙律！首先就係叫左一大盤刺身，食物好新鮮 好鮮甜 蟹捧好好味，呢到吞拿魚 同三文都好甜冇腥味食多多都唔膩，朋友就叫左好多甜蝦，覺得好好食 ！另外蟹子沙律係意外驚喜！用料真心好新鮮 好清新另一方面，炸物楊物都好正，唔會太油最要讚係個紫薯波。而小妹另一樣最鍾意係串燒元立貝 唔太濃 岩岩好 外香內嘅味亦鮮甜整體黎講服務唔錯 野食ok !有中上至優嘅水平！