翠苑餐廳 (Closed)

一班朋友去下午茶聚聚，荃灣並唔容易揾地方，路過呢間客人唔算多。佢地仲幫我地拍多張枱埋黎，等我地可以坐得鬆動d.掛住傾計關係，搞左好耐先點到餐食。但職員完全冇黑臉，由得我地慢慢揀。終於揀左個雞扒撈丁。雞扒幾好，唔會有肥脂。不過個丁有少少乾，於是落左些少跟餐既紫菜湯。個丁即刻好食好多。但紫菜湯就咁飲比較咸，所以冇飲哂。餐飲凍檸茶，普普通通。比較特別的是朋友的菠蘿油，牛油係冰震原塊上。朋友話好好食，正過其他街外的菠蘿油。