越色牛肉粉餐廳 (Closed)

昨晚銅鑼灣聚餐，臨時轉食越泰菜😋😋😋可能打風落雨少人成，都只是4、5桌坐左人。同行一共5個人。我們叫左2個2人套餐（但不包飲品的）一齊食!大部分都食晒，係咖喱沙白果碟大家無點食，因為我和另一位朋友試左有砂和有腥味，其他人聽完就唔想食，但個咖喱汁幾香椰香味。冬蔭功湯和另一款蜆湯都好飲，小食有雞翼、蝦餅、串燒，我就最鐘意蝦餅，大大塊啖啖肉!通菜係2碟不同調味的，其中一碟係馬拉盞味，但我只食左放最近我果碟，唔會太咸，空口食都好食。菠蘿炒飯味道偏淡，但入面菠蘿唔酸呢點幾好，因為見到用左新鮮菠蘿炒。牛肉炒河呢碟最好味，我食得呢碟最多，朋友聽到話好食又即刻食😂條魚我就試左肉質ok的，無腥味，個湯底酸甜類似冬蔭功湯，不過就應該無咁重料煮，所以陣味無冬蔭功湯咁鮮明豐富。呢一餐的食物，如果5分滿分，比到4分。銅鑼灣食就一定唔平得去邊，埋單平均每位約160幾蚊，（朋友叫左2杯凍飲，另外仲有收加一）。