岳川串揚

Open Now

Now Closed

今日同朋友去左銅鑼灣食lunch，朋友帶左我去間日式居酒屋，裝修都幾有日本風味，有著名大阪景點通天閣既圖像，份外有旅行感。氣氛好好，好岩同朋友去聚會，仲可以提早book枱或包場。午餐$68起都幾抵食，一個套餐有包飲品、拌碟小食及味增湯。款式都幾多可選擇。CRAZY HOUR有啤酒優惠，越早越抵飲。燒挪威鯖魚飯 $98鯖魚燒得好香，加上檸檬汁，鮮甜無腥味，魚肉嫩滑，魚皮甘香帶點脆邊，不過要小心魚都比較多骨。飯粒軟綿，珍珠米好有飯香味。伴碟既蕃茄仔都好鮮甜，湯既味道唔太咸，好入口。串場雞翼$15雞翼炸得好香脆，皮薄有蜜糖味，好有驚喜，而且雞翼大隻黎來仲好有肉汁。值得推介。日式燒汁牛肉烏冬 $88燒汁味道濃郁，好有鹹香味，牛肉口感軟熟且好入味，有洋蔥既清甜，加上香蔥調味，有層次感，烏冬彈牙。配埋個熱玄米茶，真係令人滿足。