大滿喜日本料理 (Closed)

同朋友gathering 食放題係一個很不錯既選擇。食物選擇多，大家可以隨便點自己喜歡食既食物，自由度又高。今次大家一致揀左係旺角既 「 大滿喜 」日本料理。 皆因呢間放題食物有水準，多野食之餘又好坐，淨係刺身都已經有成十幾款，全部厚切，新鮮肥美！而且餐廳重有自助 bar ，有湯、小食、冷盤、前菜、蛋糕、甜品，雪榚，重有勁多款飲品，絕不馬虎！！除左刺身、壽司、串燒之外，必點食物：超級榴槤炸彈，超級好味，炸得香脆可口，熱辣辣，內裡榴槤餡好多，好香榴槤味，味道夠濃郁！榴槤愛好者一定要試！芝士磨姑雞翼，很創新，味道意外的match !香草燒紐世蘭羊鞍，燒得岩岩好，肉質嫰口，唔會太羶。每次嚟親都飲飽食醉，沒有失望過！