囍串

Open Now

Now Closed

朋友介紹黎依間囍串gathering，除咗串燒，都有提供一啲主食架。店舖唔算特別大，勝在夠乾淨企理。未夠7點已經有幾枱客人邊食串燒邊歎啤酒，勁chill。 用QR code落單，先揀辣度。今次叫咗幾款串燒同炸饅頭。串燒會放係一個小火爐上面”興”住，咁就唔洗擔心啲串燒會凍咗。 右邊係鮮牛肉串，每日限量！牛肉烤完仍然十分嫩滑，非常惹味。  左邊牛胸爽，即係牛肋骨中間嘅軟骨，好爽口，以為會好油膩點知一啲都唔會。 厚切牛舌，真心勁厚，以為會好韌，點知一咬發覺原來腍到就黎可以入口即溶！ 金鑲豬皮肉丸，一層豬皮再一層肉丸咁串住，好搞笑！肉丸好札實，而豬皮嗦哂啲燒烤汁，2個一齊食都幾特別。 孜然羊脾肉，孜然味夠重，羊肉完全冇騷味。 炸饅頭，炸得金金黃黃，一咬外脆內軟，再沾少少煉奶，真係可以一次食10個XD 我同朋友都唔飲啤酒，所以叫咗2杯其他飲品，估唔到都整得幾出色。雜莓乳酪好滑，望落用咗唔少種類嘅莓黎整。水蜜桃梳打夠哂清甜，而且仲好大杯。