麗莎餐廳

Open Now

Now Closed

疫情前都已經常來的，只係因疫情才少了出來。朋友們見放寛了，又趁農曆年尾，就嚟呢度早食團年飯。無嚟一段日子，除了原有必食的蜜椒雞翼，還多了些新菜式。今晚試咗新嘅柚子一字骨，因太過美味啦，嚟唔切拎個電話出嚟相機食先就已每人夾咗一件，仲入埋口添！😁😁😁😁😁再試咗個帶子窩巴，呢次叫大家冷靜，相機食先！外觀已好吸引啦，食落個汁配合帶子好好味。再試咗羊腩煲，糯米飯，蝦煲，全部都係未喺到食過嘅新嚐試。唔駛多講，當每一菜一上枱，一下就夾曬，樣樣都好味道！過年後，希望市面無事，大家可以再約食新年飯！