霞飛點心拉麵 (Closed)

最近一位好友即將結婚，特登揀選一間有圓桌又可以多人聚在一起既餐廳，派帖比大家。這個喜慶日子，揀一間稍有體面的中菜廳，都合理既。去到餐廳，圓桌安排於餐廳較後既角落位置，一進去感覺有點狹窄，與鄰座的人有背貼背既感覺，無辦法呢，租貴嘛，都預左位會迫D。打開茶單，價錢幸好不是想像中那麼貴，由於人數聚多，我地總共叫了10道菜，當係預演一次擺酒吧!先後食到幾道招牌菜，包括紅油炒手、水晶餚肉、糖醋魚塊、花雕醉雞，感覺都是平平，如果不是地段理想及裝潢搭夠，真係很難想像係宏宏中菜之中突圍...食到中段，很口渴，多次叫侍應加水都沒有回應，想加菜，又沒有人回應，傳菜又唔會寫單...呢點真係要改善下...最後都叫了幾道甜品，有桂花糕、杏汁高力，味道都不過不失啦。