隆姐泰國美食館 (Moved) New Location

平時一家大細六口子比較少去九龍城食野,因為覺得難等位,同埋唔夠闊落。(因為其中一個係BB)星期六趁住有時間拿拿臨六點由尖沙咀飛的入九龍城。試下呢間有不少好評的泰國菜館。由於有BB車,我們被安排係靠近門口位置。人多出出入入,食得辛苦在所難免。由於本人喜歡東南亞菜色,酸辣最愛鳳爪沙律更係必點,呢檔夠辣夠酸,鳳爪又夠爽口彈牙!青木瓜絲沙律更是本人最愛。酸酸辣辣清爽可口,味道更加無得頂。越食越辣,越辣越要食!每人大約分到大半碗,志在試味,唔錯呀!酸辣適中,又夠鮮味,唔會有腥味。下次可以再ENCORE。蝦餅彈牙,點埋酸甜醬,提昇香味,醒胃又唔會太油膩。豬頸肉唔霉,又唔會太肥膩,又夠香。咬落唔"痴"牙。份量又夠多。相對其他菜色,此魷魚筒相形失色,唔夠香口,表現平平無奇。生菜包都好出色,但略嫌豬肉碎唔夠濕,乾左少少,肉汁多D會更加滋味。青咖哩雞,因為家中有人不吃牛,所以揀左咖哩雞。夠香濃,配料十足。最岩下飯,真係汁都撈埋呀!就現場所見,大部份人都有點到蒜蓉包,我地叫左太多野,所以食唔到。下次再叫先!味道正宗,風味十足。趁早D去食,食完慢慢行去食甜品。好過晏到有排等。哈哈!服務都好好,店員都十分熱心服