湯•米 (Changed Hand) New Restaurant

最近特別喜歡食台式臭臭鍋，今次去到旺角附近一間經常爆滿，食臭臭鍋嘅湯•米，喺門口睇到有差不多10款臭臭鍋選擇，即刻忍唔住衝入去。餐廳以黑白灰色為主，帶一點型格的感覺，而且非常爆滿，所以要等10分鐘先有位。見到個個都飲台式飲品，我先叫了一杯芝士莓莓，味道一啲都唔酸，反而甜甜地好好飲，飲落去係沙冰質感，但好Creamy。平時打邊爐我都喜歡叫沙嗲湯底，當然唔少得叫我喜歡嘅沙茶牛肉鍋，好快臭臭鍋就上菜了，遠處已經聞到好香嘅沙嗲味道，飲一啖湯底非常濃郁，而且牛肉鋪滿面，賣相非常吸引，牛肉新鮮嫩口。除此之外，火鍋入面仲有好多配料，包括金菇、粟米、木耳、腐皮同埋丸類等，非常豐富！如果唔夠食，仲可以加錢追加火鍋配料。最後我加了兩隻雞蛋攪勻放入鍋，頓時覺得湯底質感好滑溜。朋友叫的臭臭鍋都同樣吸引。總括而言，一人一鍋唔使同人爭之餘，而且食得好滋味，臭臭鍋送飯一流。