東江食家

Open Now

Now Closed

聞名不如見面嘅東江食家鹽焗雞飯香港越嚟越差！啲商場一式一樣，倒模咁嘅連鎖鋪頭同食肆，今日唔太想食連鎖餐廳嘅我，選擇咗東江食家，間唔中幫襯下，一個月總有一兩次嚟幫襯，食咗超過十年。嚟得東江雞緊係食招牌菜，鹽焗雞！未入到去位，好有默契咁行住叫：「雞飯凍檸茶」之坐低，無叫例湯，因為雞腳湯已經好耐無再出現過，轉哂做蔡天鳳湯（青紅蘿蔔豬骨湯），啲雞腳留返哂嚟買。飲品先到，正常嘢！之後雞飯到，呀唔係，係雞骨飯到，如圖，骨多過雞肉，一啖雞肉一啖飯，雖則東江食家碟頭飯出名多飯，但食哂啲雞肉都仲剩2/3飯，可想而知，有幾多係肉，有幾多係骨！鹽焗雞越做越差，越嚟越難食，環境無變，無裝修過，今次仲整埋個雞骨飯過我歎，食完要再去第二間再食多轉，所以今日起將會永久DQ東江食家，請都唔會再嚟！