Video
Read full review
2009-04-20
31 views
升職後第一餐請嘅飯，被激請嘅係屋企人- 爸爸、媽媽、細佬，去咗洲際酒店出哂名法國餐廳 - Spoon by Alain Ducasse - 廚師Alain擁有三間法國米芝蓮三星餐廳。車屋企人去到酒店門口，當然係擺低架車比酒店泊，有四粒鐘免費泊車，當然要好好利用啦。未入到餐廳門口，已經見到一個穿了晚裝嘅美女，一個穿了筆挺西裝嘅鬼佬，企正喺餐廳入口迎接我地，跟住佢地帶我地去一張四人正方型餐枱。跟住即時有一位女待應用中文為我地講解今晚嘅menu，爸爸同媽媽選了佢地嘅6-course Sexy Spoon Menu, 我同細佬就選了8-course Very Sexy Spoon Menu。去到呢啲餐廳，水當然是另叫的，飲咗兩大支sparking water，每枝$165。1. Spicy Tuna - 一道少少的頭盤，送嘅，比較特別，係一啲少少辣吞拿魚碎，用一隻細細嘅杯仔裝住。2. Assorted Bread - 當然又係比一籃麵包你先啦，新鮮嘅，酒店水準，唔錯。但係啲蒜蓉牛油就乾身啲，好難搽喺麵包上面。3. Escargots "Provencal" style, tomato marm
車屋企人去到酒店門口，當然係擺低架車比酒店泊，有四粒鐘免費泊車，當然要好好利用啦。
未入到餐廳門口，已經見到一個穿了晚裝嘅美女，一個穿了筆挺西裝嘅鬼佬，企正喺餐廳入口迎接我地，跟住佢地帶我地去一張四人正方型餐枱。跟住即時有一位女待應用中文為我地講解今晚嘅menu，爸爸同媽媽選了佢地嘅6-course Sexy Spoon Menu, 我同細佬就選了8-course Very Sexy Spoon Menu。
去到呢啲餐廳，水當然是另叫的，飲咗兩大支sparking water，每枝$165。
1. Spicy Tuna - 一道少少的頭盤，送嘅，比較特別，係一啲少少辣吞拿魚碎，用一隻細細嘅杯仔裝住。
2. Assorted Bread - 當然又係比一籃麵包你先啦，新鮮嘅，酒店水準，唔錯。但係啲蒜蓉牛油就乾身啲，好難搽喺麵包上面。
3. Escargots "Provencal" style, tomato marmalade and parsley - 第一道菜終於登場，法國蝸牛，放一啲麵包碎喺面，然後用隻好細細嘅杯仔裝住，好夠味。
4. Duck foie gras confit, pepper jelly, toasted country bread - 第二道頭盤，有蒸過嘅鵝肝，真的好滑，配埋兩塊硬而脆嘅多士，加埋帶少少酸味嘅啫喱，用嚟中和鵝肝嘅肥膩，而且好細心，碟中間有少少鹽比你，可以更加帶出鵝肝嘅鮮味，一流。比起平時食慣嘅煎法，對於我係新嘗試，但又喜出望外。
5. Bisque of crayfish, cucumber, fresh cheese - 鮮蝦濃湯，先在你面前放上碗，碗面有湯料，等你知道有咩料，然後待應再倒上湯，服務真係一流。龍蝦湯就試得多，用鮮蝦做嘅就第一次試，係用淡水蝦的，我諗真係要好足料，如果唔係湯味應該冇咁濃，仲有幾隻蝦比你咬，而且texture真係好滑，一定有用嘢隔過，好香甜，好滑，份量不多，如果可以飲多碗就好。
6. Oysters "Marennes d' Oleron" with spinach, champagne sauce - 焗生蠔，用菠菜、芝士、香檳汁，香檳汁係精髓所在，煮過嘅香檳汁將蠔嘅鮮味誘發出嚟。蠔殼底有粗鹽，咁就唔怕生蠔個位四圍郁。
7. Red mullet roasted on the skin, zucchini lemon confit marmalade, reduction with black olives - 我真係未試過原來紅衫魚都可以咁滑，唔通淨係法國嘅紅衫魚至係咁滑?? 廚用上一啲檸檬同橙皮喺魚皮嘅面，同中國人用嘅梅菜有二曲同工之妙，配有black olive做嘅汁，好特別。
8. Beef tenderloin, red wine and shallot reduction pont- neuf potatoes and romaine salad - 待應點菜時冇問過我地舊牛柳要幾成熟，原來師傅跟本唔需要知道我地要幾成熟，其實佢認為咁嘅生熟度正是最好，我亦非常同意佢嘅煮法，因為上枱時，牛肉嘅生熟程度係啱啱好，好嫰滑，完全冇鞋口嘅感覺，我地幾個都好滿意。今次係配上紅酒汁，最啱食牛扒用嘅，配菜仲有幾條切成長方柱體嘅薯條，廚師真係花功夫，還有一條好鮮甜嘅娃娃菜，不過就古怪咗少少。
9. "Melba" peach style - 法國嘅甜品，擺得真係似一件藝術品多過似一道甜品，有香滑嘅Vanilla雪糕，不過入面有少少冰粒，美中不足，有兩塊梨，中和甜味，又可以欣賞，又可以品嚐，真係一樂也。
10. Chocolate praline profiterole - 好似係chocolate puff咁，入面用上朱古力雪糕，外面有好香濃嘅chocolate syrup，充份享受朱古力嘅美味。
11. Coffee - 普通咖啡一杯，不過啲奶打得好靚，值得一讚。仲有一件蛋糕仔同一粒dark chocolate比你餸咖啡。完美地完成了這晚八道菜食咗三個幾鐘嘅法國晚餐。
Commentary : 基本上冇分可以扣了，好滿足，傳統中帶點創意。用料肯定係上等嘅。如果要彈嘅只係佢地嘅服務未夠貼身。而且，佢地個set其實有餐酒可以配埋，3杯$350、4杯$450，可能試埋會更完美。
Post
