Video
Read full review
2018-01-15
438 views
今日係本地漁農美食嘉年華最後一日，因為地點喺旺角花墟，所以同爸爸先食個tea。途經金華見門口大排長龍買蛋撻，諗起之前電視亦做過專訪，minipapa決定帶爸爸入去試下。由於出到旺角個肚一早已經打曬鼓，所以目標都係以飽肚為主嘅主食類。揚州炒飯最可以表現出一間食肆嘅基本功。我諗唔夠5分鐘，碟飯已經送到。快到我都未反應過來。由於今日係星期日，而且間鋪幾乎爆滿，所以效率真係非常高！同我平時食開嘅揚州炒飯真係有少少唔同。我唔知係今日炒飯唔小心落多咗水，定本身金華嘅炒飯就係咁，一向食嘅揚州炒飯都係比較乾身粒粒分明，甚至有啲啲硬，食完有時會覺得油膩同喉嚨乾涸。但哩個炒飯由於水份多咗，米飯相對比較「冧」身，有少少juicy嘅感覺。由於minipapa本身個胃唔太好，平時食飯都偏向「冧」嘅米飯，所以佢嘅揚州炒飯反而啱曬我嘅胃口。而且佢嘅滑蛋亦好多，唔似其他地方好似落個蛋花咁，可能因此增加咗米飯嘅水份，令炒飯無咁乾而且「冧」身啲。而且味道適中，唔會特別鹹。炒飯嘅蝦想特別點讚一下。相比平時食開嘅揚州炒飯啲蝦，佢身型細咗一半，但絕對唔遜色。我一向唔食揚州炒飯啲蝦，因為半透明食落無咩味又唔知生定熟咁，難以形容。
由於出到旺角個肚一早已經打曬鼓，所以目標都係以飽肚為主嘅主食類。揚州炒飯最可以表現出一間食肆嘅基本功。
揚州炒飯
$44
58 views
0 likes
0 comments
我諗唔夠5分鐘，碟飯已經送到。快到我都未反應過來。由於今日係星期日，而且間鋪幾乎爆滿，所以效率真係非常高！
同我平時食開嘅揚州炒飯真係有少少唔同。我唔知係今日炒飯唔小心落多咗水，定本身金華嘅炒飯就係咁，一向食嘅揚州炒飯都係比較乾身粒粒分明，甚至有啲啲硬，食完有時會覺得油膩同喉嚨乾涸。但哩個炒飯由於水份多咗，米飯相對比較「冧」身，有少少juicy嘅感覺。
由於minipapa本身個胃唔太好，平時食飯都偏向「冧」嘅米飯，所以佢嘅揚州炒飯反而啱曬我嘅胃口。而且佢嘅滑蛋亦好多，唔似其他地方好似落個蛋花咁，可能因此增加咗米飯嘅水份，令炒飯無咁乾而且「冧」身啲。而且味道適中，唔會特別鹹。
炒飯嘅蝦想特別點讚一下。相比平時食開嘅揚州炒飯啲蝦，佢身型細咗一半，但絕對唔遜色。我一向唔食揚州炒飯啲蝦，因為半透明食落無咩味又唔知生定熟咁，難以形容。但金華揚州炒飯嘅蝦，望落雖然唔係白灼熟蝦顏色，但都係能夠接受嘅顏色。入口更係入味之餘，完全無一般揚州炒飯啲蝦嘅雪藏味！好開心有哩個小驚喜。
但由於炒飯嘅份量比較多，加上水份比其他地方嘅炒飯稍為多，所以食咗三分二已經覺得好飽。整體來說，今次金華冰室嘅下午茶幾滿意，難怪咁多人幫襯，仲上埋電視。而價錢又合理。值得再返去試其他嘢食。
Post
