金記冰室 (八號花園) (Closed)

試新餐廳？首次到訪就印象深刻！自助茶水區我懶得行出行入寧願唔要，自助易圍馬落單但網絡緩慢甚至收唔到，已有部份食客舉手投訴。明白人手短缺全場只得兩位職員跑上跑落，辛苦了！服務⭐️雖然肥嬸嬸已笑臉迎人但整體職員表現欠佳。環境⭐️⭐️新派茶記格局。羅宋湯⭐️室溫再被冷氣吹兩吹可以變凍湯，天氣炎熱所以唔出熱湯？淡淡的茄膏水。洋蔥汁火腿餐肉豬扒意粉，意粉微波爐叮過熱辣辣，有股微波味道。午餐肉鬆軟不咸不油膩，火腿都煎了段時間放涼變得油咸硬。洋蔥汁酸咪咪夠開胃竟然比黑椒汁美味。鐵扒黑椒汁美式雜扒，薄牛扒腍啤啤，醃味濃濁強烈，食不到牛味⭐️有骨豬扒醃得太利害，食不到半點天然豬甜味⭐️雞扒不過不失，入得口全熟不乾硬但略咸⭐️⭐️腸仔廉價怪味腸，起碼唔咸⭐️⭐️黑椒汁不香不辣帶澀味⭐️。茄汁意粉⭐️⭐️室溫唔熱，茄汁酸酸唔難食。