Video
Read full review
2021-12-06
65 views
最凍天氣比較凍，想搵下附近有咩好野食，然後我揀左屋企附近呢間辣辣屋。同呀媽兩個人食，可能因為時間尚早既關係，一開始店內既顧客唔多，但隨住時間既推移，食到一半既時侯，幾乎滿坐，可見呢間餐廳幾受歡迎。店內環境唔錯，有D韓國燒烤店既感覺，尤其係油筒式座椅，同牆身既塗鴉，有D似去左梨泰院。因為呀媽唔食辣既關係，點左個蒜味既烤魚同一D小食。首先上既係涼伴茄子，份量比想像中大份，茄子食落去微辣，淋得黎唔會鞋，個人覺得真係幾好食。跟住到既係串燒拼盤，除左豬頸肉外，各有1串豬肉、牛肉同雞肉。豬頸肉油香都幾勁，配埋個酸酸甜甜既醬，係真係好有驚喜，係值得一試。食完串燒，主角終於出場。侍應捧住個盤埋黎既時侯，有少少驚訝既感覺，個烤魚真係好大份。比起以前係大陸食既探魚，大概大1.5倍到，有D擔心會食唔晒，不過美食當前，唔理咁多啦。個烤魚岩岩放上爐，要煮一陣。當D湯開始滾既時侯，我已經忍唔住起筷夾左一大塊魚肉。食落去果然係一流，魚皮烤得好香，而D 肉係一梳梳既，嫩嫩地滑滑地咁，完全唔會"鞋"，加上蒜既香味，真係會食到停唔到口。最後上埋額外點既配菜，不過呢個時侯，條魚只係食左一半，已經開始覺得飽到食唔落，有D後悔
同呀媽兩個人食，可能因為時間尚早既關係，一開始店內既顧客唔多，但隨住時間既推移，食到一半既時侯，幾乎滿坐，可見呢間餐廳幾受歡迎。
店內環境唔錯，有D韓國燒烤店既感覺，尤其係油筒式座椅，同牆身既塗鴉，有D似去左梨泰院。
因為呀媽唔食辣既關係，點左個蒜味既烤魚同一D小食。
涼伴茄子
$38
6 views
0 likes
0 comments
首先上既係涼伴茄子，份量比想像中大份，茄子食落去微辣，淋得黎唔會鞋，個人覺得真係幾好食。
串燒併盤
$88
2 views
0 likes
0 comments
跟住到既係串燒拼盤，除左豬頸肉外，各有1串豬肉、牛肉同雞肉。豬頸肉油香都幾勁，配埋個酸酸甜甜既醬，係真係好有驚喜，係值得一試。
江團魚（蒜雜菌味）
$298
2 views
0 likes
0 comments
食完串燒，主角終於出場。侍應捧住個盤埋黎既時侯，有少少驚訝既感覺，個烤魚真係好大份。
比起以前係大陸食既探魚，大概大1.5倍到，有D擔心會食唔晒，不過美食當前，唔理咁多啦。
個烤魚岩岩放上爐，要煮一陣。
當D湯開始滾既時侯，我已經忍唔住起筷夾左一大塊魚肉。
食落去果然係一流，魚皮烤得好香，而D 肉係一梳梳既，嫩嫩地滑滑地咁，完全唔會"鞋"，加上蒜既香味，真係會食到停唔到口。
輔菜盛盒
$58
2 views
0 likes
0 comments
最後上埋額外點既配菜，不過呢個時侯，條魚只係食左一半，已經開始覺得飽到食唔落，有D後悔點左呢個。
不過為健康著想，食返D 蔬菜係需要既！
總結黎講，呢間辣辣屋既烤魚真係好值得一試，食物既份量都好多，岩3-4個人食，雖然店名係辣辣屋，但都有好多唔辣既選擇，同埋今次因為呀媽唔太食辣，所以冇點到辣野，下次同朋友再黎既話，一定要試下辣味既烤魚！
Post
