甜CC 甜品店 (Closed)

去聯和墟探朋友，兩個人唔點肚餓但都想搵啲野食下，籍住紅雨既天氣溜進左哩間甜CC。朋友似係常客，同我介紹邊啲好食。我嗌左一個朱古力雪花冰，而佢嗌左一個益力多雪花冰類物體（好似叫白馬王子？）。雪花冰相當綿密，配料種類同份量都唔少。朱古力味香濃，益力多味清新，整體幾好食。之後朋友唔夠飽又嗌左一個雜果窩夫同一杯檸檬益力多。檸檬益力多冇我想像中咁酸咁奇怪，一杯偏酸有好少檸檬味既益力多咁。雜果窩夫不錯，水果種類唔少，有兩塊窩夫咁。