山下

Open Now

Now Closed

食物方面係唔錯嘅，和牛、鵝肝同炒飯都係幾好食，我男朋友都話幾正，食物都算係對得住個價錢!但可能因為疫情剛剛復常，餐廳職員唔多，明顯唔係咁夠人。我地一坐低就覺得個位吹正個冷氣，想問下個職員可唔可以較細少少，或者調一調個位。有個睇落似Senior嘅職員就行埋嚟話"我地未聽過有客人話凍"，跟著就行開左。我心諗冇人話凍又唔等於唔凍，加上個風口足住點都唔舒服。之後我再問可唔可以調第2個位，佢又話"冇得調，Booking full晒喇"，我成餐依左個半鍾，起碼有10個吉位，全程冇人坐，但佢都唔俾我調，我覺得職員嘅態度同安排真係唔太妥當。希望餐廳可以注意下依一點，必須以客為本，如果唔係只會浪費左廚師嘅廚藝同餐廳個氣氛。