新潮樓 (Closed)

滷水三拼鵝片無骨啖啖肉，鵝肉非常入味，有咬口，肥膏亦唔會過多，鵝腸非常爽脆，而且一點肥膏都冇，墨魚唔韌煮得剛剛好，滷水汁的濃度剛好，不會過鹹。客家黃酒雞（半隻）一上枱陣陣酒香，第一口已經深深感受到黃酒跟雞肉的完美配合，黃酒香甜，可直接喝順口而帶微甜，雞肉份量都唔少，肉質嫩滑。豉油皇煎大蝦炒得好香，食落惹味，有好香既豉油味，亦唔會太咸，蝦肉新鮮，廚師將蝦切開，令蝦肉好入味。啫啫蝦乾蝦醬通菜放咗大蝦乾去炒，通菜炒得乾身，味濃郁的蝦醬，帶點微微辣椒辣，好惹味。沙茶牛肉炒河粉牛肉質地嫩滑，沙爹味道濃郁杰身，掛滿每一條河粉。福果芋泥我食潮州菜必食甜品，質地夠滑，口感夠粉，芋香味濃。逢星期五六日夜晚6點，有琴師伴奏同歌手唱歌，仲可以點唱，而個年代都少見而類餐廳，氣氛好好，一邊食飯有歌聽，環境坐得舒服食打冷。