好彩海鮮酒家

Open Now

Now Closed

睇番啲食評....服務好差, 今晚所見...又唔差, 整體都幾周到, 可能投訴多了, 有改善吧! 今晚專登黎試下菜, 九人叫了一個十二人套餐, $1480!翡翠炒明蝦球 - 西蘭花圍邊, 脆綠, 蝦球好新鮮好大隻....第一道菜已很出色!陳皮蒸青島大連鮑魚 - 細細隻...長約兩吋, 味道不算太有鮮味, 有咬口, 一般!酥炸日本廣島蠔 - 好熱好熱, 好有鮮味, 唔知有無24隻, 不過, 有人食到4隻, 我就小食多滋味, 最重要係脆醬唔厚!菊花石頭魚羮 - 最不喜歡吃羮, 分唔到係豆腐定魚肉, 但肉眼見到既....魚肉唔多!清蒸游水海石斑 - 石斑好大條, 唔算太滑, 個人覺得河鮮較好味!京式糕蟹炒年糕 - 呢個係我全晚有添食既一味菜, 糕蟹蟹殼薄, 糕多肉厚, 但最吸引我的是年糕, 不但煙韌, 而且蟹味濃, 好好食!艇皇浸時蔬 - 愛吃菜的我...覺得這道菜麻麻, 白菜仔細棵, 唔爽唔脆唔腍....唔知點形容!好彩一品燒雞 - 燒雞唔算太大隻, 但皮脆肉滑, 碟底好油...但幾受歡迎!蒸饅頭2打 - 只吃了1/4, 其餘拎走...似朝早食既點心, 唔太細綿, 軟身!綠豆沙糖水 - 沒