Video
Read full review
2022-03-17
281 views
想食Hemma嘅burnt cheesecake好耐！闊別半年終於回歸，暫時淨係係in the moment先食到~ 咖啡店位於JOMO舊址，隱身係小巷之中，一不留神就會錯過其入口。店面唔算好大，只有十餘個座位。之前weekend到訪人龍超長！然後擇日再戰，平日2點到 終於唔洗排！可惜酒鬼都係無緣遇見Rum Raisin。⚠️蛋糕不設外賣 只限堂食▪️Original Basque Burnt Cheesecake $60芝士蛋糕超爆流心！入口好creamy好軟滑！蛋糕邊邊位就保留左少少芝士蛋糕厚實嘅口感，略嫌表層唔夠焦香。芝士香氣未算超濃，但對我而言恰到好處，食完唔會覺得好甜好滯。▪️Earl Grey Basque Burnt Cheesecake $60呢件蛋糕就無原味個件咁多流心位~ 中間軟心部份同樣軟滑，但其他位置茶粉嘅感覺較為明顯，無原味嘅咁滑溜。入口伯爵茶味突岀，同芝士balance得幾好。不過個人就鍾意原味多啲啦~▪️Matcha latte $50/Hot拉花好靚！勁cute呀！抹茶屬大眾濃度，帶回甘甜度低，奶香唔會太搶風頭，入口順滑無粉末感。整體平衡得幾好，幾鍾意佢嘅回甘，
店面唔算好大，只有十餘個座位。之前weekend到訪人龍超長！然後擇日再戰，平日2點到 終於唔洗排！可惜酒鬼都係無緣遇見Rum Raisin。
⚠️蛋糕不設外賣 只限堂食
▪️Original Basque Burnt Cheesecake $60
芝士蛋糕超爆流心！入口好creamy好軟滑！蛋糕邊邊位就保留左少少芝士蛋糕厚實嘅口感，略嫌表層唔夠焦香。芝士香氣未算超濃，但對我而言恰到好處，食完唔會覺得好甜好滯。
▪️Earl Grey Basque Burnt Cheesecake $60
呢件蛋糕就無原味個件咁多流心位~ 中間軟心部份同樣軟滑，但其他位置茶粉嘅感覺較為明顯，無原味嘅咁滑溜。入口伯爵茶味突岀，同芝士balance得幾好。不過個人就鍾意原味多啲啦~
▪️Matcha latte $50/Hot
拉花好靚！勁cute呀！抹茶屬大眾濃度，帶回甘甜度低，奶香唔會太搶風頭，入口順滑無粉末感。整體平衡得幾好，幾鍾意佢嘅回甘，不過抹茶控就覺得可以再濃啲。
整體嚟講，Basque burnt cheesecake軟心texture正中下懷！味道唔錯，不過就無想像中咁驚艷。咖啡店店面較細，較為狹窄，未算好好hea。如果順路去開西營盤 又唔洗排隊嘅話，都會再回訪。唯獨蛋糕只設堂食 不設外賣。
Post
