Amplifier Restaurant (花園街) (Closed)

旺角有間樓上西餐廳，佔地頗大，有live music聽🎶如果唔想淨係掃街或者人迫人，可以嚟呢度舒舒服服咁嘆西餐。呢晚平日去都有live music，見到駐場歌手唱得好投入又好聽🫶🏻好佩服佢keep住好有mood咁唱👏🏻👏🏻聽住歌食飯零舍有氣氛。今次叫嘅二人套餐好豐富，有生蠔／青口、頭盤、餐湯、主菜、甜品、餐飲，唔少款式都幾有特色同花心思❤️🦪精選新鮮生蠔4隻先嚟生蠔打頭陣，幾大隻，食到啱啱好嘅海水味，口感比較爽滑👍🏻🍈巴馬火腿配蜜瓜蜜瓜超級香甜juicy💦配火腿好夾。🧈蒜香牛油田螺酥皮盒田螺份量幾多，彈牙有蒜香味😛不過酥皮腍咗啲啲。🦞蟹肉龍蝦濃湯質感creamy，飲到好濃郁純粹嘅龍蝦味，入面有蟹肉襯托🦀🍝香煎日本帆立貝番茄醬意大利麵經典嘅番茄醬口味，帆立貝幾大隻😗😗🥩慢煮美國威靈頓牛柳好少餐廳咁有心機整威靈頓，呢度作為招牌梗係要試下😆😆牛柳焗得啱啱好，夠粉嫩，肉質腍滑有肉味😋牛柳外面包住恰到好處嘅菇菌醬以及酥皮，口感豐富，係屬於水準之作嘅威靈頓👏🏻不過醬汁唔算多，可以再落多啲配牛柳同菠菜。🍮是日精選甜品焦糖燉蛋，面頭一層脆卜卜焦糖，底下嘅燉蛋質感偏杰身，幾香蛋味，唔會太甜😋😋人均消費：$