肆年八月米線專門店 (Moved) New Location

喺大圍做完嘢想食米線，誤打誤撞搵到呢間💛嘅米線店，細細間隱身喺下徑口村嘅村屋入面，大圍站行過去都要十幾分鐘。六點幾去到，好彩未有人，不過最想試嘅豬頸肉已經賣曬嚕😢，想食嘅可能要晏就去先有啦。btw七點三開始多人，入面得四張檯，唔想等要早啲去！；手撕雞酸辣湯米線 $48勁大碗！雖然啲雞唔係好「手撕」，咁大嚿嘅😂😂，不過雞肉好滑，配料極多，又有肉碎、酸菜、花生等；個湯夠麻，有層次，但就唔系好辣，米線彈牙但略嫌碎咗啲。；鯪魚球蕃茄湯米線 $48蕃茄湯出色，好多蕃茄肉；鯪魚球炸到脆口，用料新鮮～；自家制檸檬薏米水 +$12食辣嘢最需要解渴嘅飲品，呢杯酸酸甜甜巧fit，有啲媽媽煲嘅feel(⸝⸝⸝´꒳`⸝⸝⸝)。