Video
Read full review
2018-06-05
92 views
犯賤既人類總喜歡折磨自己，例如冬天食雪糕、夏天打邊爐，連續唔知第幾日酷熱天氣既五月天既呢一晚3條女竟然決定去打邊爐⋯ 潮汕牛肉火鍋係大陸食過2次（雖然唔係潮汕區，但係係內地朋友推薦既排隊等到2046既連鎖牛肉店），係香港似乎係第一次聽到有。呢晚咁岩有一周年promotion，任食牛及配菜加埋雜費都係$308加一，似乎抵過逐碟order（見過openrice d相好似好少），又可以試勻晒咁多個部位，師奶三人決定豁出去食回本！！第一輪未點餐已經所有牛肉攞左上黎！擺盤既次序跟番牛相應既部位（第一時間確認有無牛鞭），震撼得黎又可以清楚match番圖片既寫食時間 重點推薦：- 牛舌： 大大塊，跟據指示滾幾秒就食得，一開始都驚唔穩陣，但其實當佢開始卷起硬身就要即刻拎起，爽彈得黎又好香牛油味！（高脂出沒注意）- 白色果塊： 係大陸食過一次，岩開始覺得好嘔心，因為係牛心口果塊脂肪⋯試過一次後已被佢爽脆既口感吸引；呢個香港版既比切得比較厚身，雖然滾完都爽脆但會比較油膩，食一兩件已經足夠；- 牛丸！ 彈既程度係可以俾星爺打乒乓波的！果然係潮洲牛丸要特別注意既部位：- 牛柏葉： 真係要跟番佢個建議時間，如果
潮汕牛肉火鍋係大陸食過2次（雖然唔係潮汕區，但係係內地朋友推薦既排隊等到2046既連鎖牛肉店），係香港似乎係第一次聽到有。呢晚咁岩有一周年promotion，任食牛及配菜加埋雜費都係$308加一，似乎抵過逐碟order（見過openrice d相好似好少），又可以試勻晒咁多個部位，師奶三人決定豁出去食回本！！
第一輪未點餐已經所有牛肉攞左上黎！擺盤既次序跟番牛相應既部位（第一時間確認有無牛鞭），震撼得黎又可以清楚match番圖片既寫食時間 重點推薦：
- 牛舌： 大大塊，跟據指示滾幾秒就食得，一開始都驚唔穩陣，但其實當佢開始卷起硬身就要即刻拎起，爽彈得黎又好香牛油味！（高脂出沒注意）
- 白色果塊： 係大陸食過一次，岩開始覺得好嘔心，因為係牛心口果塊脂肪⋯試過一次後已被佢爽脆既口感吸引；呢個香港版既比切得比較厚身，雖然滾完都爽脆但會比較油膩，食一兩件已經足夠；
- 牛丸！ 彈既程度係可以俾星爺打乒乓波的！果然係潮洲牛丸要特別注意既部位：
- 牛柏葉： 真係要跟番佢個建議時間，如果唔係韌到呢⋯
- 牛背果d肉： 唔知係咪曬得多太陽（哈哈），牛背/牛肩既肉似乎稍一失手就堅軔到咬唔到，真係要一邊time一邊碌！
好考專注力既一餐！
23 views
0 likes
0 comments
另外右邊果碟係Prime肥牛嫩牛肉 牛肋條等等既拼盤，overall都好食，牛肉味濃 油脂亦好均勻，重點係易控制！但真係唔知邊個打邊個（btw呢個拼盤要加錢先可以任叫！一開始淨係包一大份）
任食套餐仲可以叫平時都有既菜啊 菇啊 竹筌等等蔬菜黎消滯，雖不是主角但都處理得幾乾淨；更加可以試潮洲炒粿條/河粉等等飽肚主食； 我地三個女人本來雄心壯志諗住番兜牛肉，但望落少少既拼盤原來越食越飽滯，始終食肉獸呢家野同男士比都係差一截⋯
（所以個攻略係，男士食任食！女士散叫已經夠玩）
牛肉清湯底
20 views
0 likes
0 comments
整體而言牛肉款式的確有新鮮感，但同番大陸食相比當然價錢貴一大截（不過平心而論，一碟碟細細碟係潮汕牛肉火鍋既特色，所以香港既並不是特別細份）⋯係高鐵未開通既時候都可以黎試下解解饞的～
後記：旺中閒逛完一輪後，不得不承認自己已經老早脫離左MK既年齡層⋯⋯見到昔日殘殘舊舊既旺中已變新之城，隔壁棟工貿黎個180度大翻身變新商場；然後再望下d撈麵夾糖既價錢，西洋菜街既大叔姨姨之歌⋯曾經熟悉既MK已經變得好陌生了。
Post
