萬丸燒肉 (Closed)

是晚吃日式燒肉。 今次嚟呢間叫萬丸燒肉， 一入到餐廳已經知道係好嘢嚟， 日式燒肉餐廳嘅煙霧彌漫係呢度唔存在， 大贊！今晚點咗$428極上燒肉放題， 呢個餐有得任食A4和牛五花肉， 其他封門柳、安格斯牛排、安格斯肩胛肉、牛舌， 呢啲真係基本必食嘅牛肉！ 另外仲有大量海鮮， 例如魷魚、多春魚、帆立貝、青口、 虎蝦等等。 先講食物質素， 全部都好新鮮， 唔似其他放題， 食啲下欄喇， 牛有牛味！ 除咗呢啲基本嘢， 誠意推介佢個日式年糕， 燒到燶燶哋好正！ 呢間餐廳唔係特別平， 但亦唔算貴、 但食物質素絕對好快可以食到回本。另外， 離開餐廳時， 個身都真係一啲燒肉味都冇， 勁正！