成記牛什粉麵

Open Now

Now Closed

成記牛什🐃超過50年歷史🕑，由黃大仙🟨徙置區搬到新蒲崗。最出名係1）牛丸同2）牛什，今日都試曬。依度嘅碗同裝修一樣，都係舊式設計仲用緊綠色碗仔。粉麵份量偏少，仔食就通常唔飽，而且可能廚房太急，我叫嘅河粉仲係黐住一嚿同未完全散🫡如果有去開大排檔食粉麵就會好熟悉依隻湯，清清地帶啲牛味🐮，撈埋辣椒醬食就好香🥵。辣椒醬都係潮式風味，香辣鹹都有。-至於最出名嘅牛丸，與出面不同，唔係爽口同彈牙。但肉味濃同突出，越嚼越有味。依類牛丸坊間少見，值得一試。鋪頭出面都有手打牛丸賣，會比起堂食大粒d😝牛什就大路貨色，牛膀同牛肺比較死實。我有問阿姐係咪新鮮牛什，佢笑笑口答：「你覺得好食咪新鮮😏」咁我就覺得唔係新鮮🙈，反而成記前身係黃大仙。黃大仙小巴站旁邊兩間牛什一食就食得出新鮮，不過已經係後話。